Avlastning

Har du omsorgsoppgåver som gjer at du treng avlastning? Kommunen kan t.d. gje avlastning i form av heimehjelp, dagtilbod eller korttidsopphald på sjukeheim. Avlastninga skal gje pårørande rom for normal fritid, høve til å reisa på ferie og tid til å ivareta sosialt nettverk.

Dette er ei lovpålagd teneste etter sosialtenestelova.

Målgruppe

Dei som yter omsorg for eldre, funksjonshemma eller andre pleietrengande.

Vilkår

Du skal ha eit særlig tyngande omsorgsarbeid. Det er kommunen som i samarbeid med deg som søkjar som avgjer kva tenester som vert innvilga. Moment som vert vektlagde er m.a.:

om du arbeider mange timar pr. månad med omsorgsarbeid
om omsorgsarbeidet er meir fysisk eller psykisk belastande enn vanleg
om omsorgsarbeidet betyr mykje nattarbeid eller avbrot i nattesømn

Handsaming

Rettleiing

Du kan kontakta kommunen for å få hjelp til å søkja om avlastning. Både omsorgsytar og den hjelpetrengjande sjølv kan søkja søke om avlastning.

Søknaden skal sendast til:

Sogndal kommune
Postboks 153
6856 Sogndal

Sakshandsaming

Kommunen skal henta inn dei opplysningane som er nødvendige for å avgjera saka. Deretter vert det fatta vedtak. Vanligvis får du ei grunngjeving samtidig med vedtaket. Du får alltid ei grunngjeving viss det kan tenkast at du blir misnøgd med vedtaket. Viss grunngivinga ikkje følgjer med, kan du få det ved å venda deg til kommunen innen klagefristen for vedtaket går ut.

Handsamingstid

Kommunen skal handsama saken så snart som mogeleg. Der saka ikkje kan avgjerast innan éin månad, skal du ha skriftleg beskjed om grunnen til dette.

Klage

Viss du ikkje er nøgd med vedtaket, kan du klaga til kommunen innan ein frist på tre veker frå du har motteke vedtaket. Både omsorgsyter og den hjelpetrengande kan klaga på avgjerda. Forklar kva du ikkje er nøgd med med og kvifor du meiner vedtaket må endrast. Viss du treng rettleiing kan du venda deg til kommunen. Opprettheld kommunen avgjerda, vert saka sendt vidare til fylkesmannen, som avgjer om klagen skal takast til følgje

Forskrift om kvalitet i pleie- og omsorgstenestene