Barnehageplass

Alle som bur i Sogndal kommune kan søkje om barnehageplass. Dersom barnehagen har ledige plassar, kan desse nyttast av søkjarar utanfor kommunen.

Det er samordna opptak for dei kommunale og private barnehagane med unntak av Sogndal studentbarnehage. Dersom det er ledige plassar i studentbarnehagen, kan kommunen og gi tilbod om plass i den barnehagen.

Barnet må ha fylt eitt år innan utgangen av august for å ha rett til å få barnehageplass ved hovudopptaket. Er barnet under eitt år, kan det få tilbod om plass viss det er ledig kapasitet.

Målgruppe

Barn i alderen 0-6 år som er busett i kommunen.

Vilkår

Eit barn må ha fylt eitt år innan utgangen av august for å vera med i hovudopptaket det året.

Desse blir prioriterte ved opptak:

Barn med nedsett funksjonsevne eller med vedtak etter lov om barnevernstenester
Barn i ein vanskeleg livssituasjon
Barn som har trong for språkleg og kulturell integrering og der begge foreldra er tospråklege/framandspråklege
Barn som har plass i barnehage og som ynskjer endra opphaldstid eller å byta barnehage
Sysken har førerett til plass i same barnehage dersom syskena går i barnehagen samstundes og har fylt eit år innan utgangen av august

Resten av borna vert prioriterte etter alder.

Pris

Regjeringa fastset kvart år ein maksimalpris for kor mykje foreldra må betale for ein barnehageplass.

Sjå prisliste

Handsaming

Tildeling av plass skal skje i samsvar med dei fastsette opptakskriteria, men etter pedagogisk heilskapsvurdering eller andre grunnar er det høve til å fråvike prioriteringa. Ved det årlige hovudopptaket blir du varsla skriftleg om du har fått- og i kva barnehage du har fått tilbod om plass. Har du ikkje fått ditt første ønskje oppfylt, har du rett til å bli sett på venteliste ved denne barnehagen.

Barn som ikkje får plass ved hovudopptaket, vert sett på venteliste. Dersom det vert ledige barnehageplassar seinare, vert ventelista lagt til grunn for plasstildelinga.

Søknader som kjem inn etter søknadsfristen for hovudopptak, vert sett på ventelista. Det er opptakskriteria som avgjer kva plass ein har på ventelista, ikkje tidspunktet for søknaden.

Handsamingstid

Hovudopptaket skal vere gjennomført innan 1.mai.

Søknadsfrist

Hovudopptak: 1. mars

Søknad om endring: 13. februar

Klage

Forvaltningsutvalet i Sogndal kommune er klageorgan ved klage på tildeling av barnehageplass. Klagen skal behandlast etter Forskrift om sakshandsamingsreglar ved opptak i barnehage. Forvaltningsutvalet sitt vedtak i ei klagesak er endeleg.

2012-01-19 Webmaster