Gratulerer med opning av nytt høgskuleår!

Måndag var det opning av skuleåret 2011/2012 i Sentrumsparken for alle nye studentar ved Høgskulen i Sogn og Fjordane.

Velkomsten var ved rektor Åse Løkeland, ordførar Jarle Aarvoll og marknadssjef i Sogndal fotball Rasmus Mo.

Både rektor og ordførar markerte hendingane i Oslo og på Utøya med ord til ettertanke.

Studentane er med på å setje sitt positive preg på Sogndal, og det merkast at studentane ikkje er i bygda om sommaren. Me ynskjer alle nye studentar velkomne og håpar at alle finn seg godt til rette i bygda.