Heimehjelp

Heimehjelpstenesta skal sikra brukaren praktisk bistand og vera med å sikra at pleie- og omsorgstrengande i Sogndal kommune skal kunna bu heime så lenge som mogeleg. Målgruppa er personar  som har særskilde behov for praktisk hjelp i heimen på grunn av sjukdom, funksjonshemming eller av andre grunnar. Det er ein føresetnad at tenesta ikkje overtek gjeremål som brukaren sjølv kan utføra.

Ordninga kan omfatta:

• reingjering
• støvtørking
• golvvask
• sengeskift
• klesvask
• stryking i mindre omfang
• laga til mat og gjera innkjøp av daglegvarer
• enkel hjelp/tilrettelegging eller tilsyn ved personelg hygiene.

Tenesta kan ikkje tilby:

• å vaksa utvendige glas dersom det medfører risiko for heimehjelpa
• reinhald i delar av huset der det bur andre som ikkje har behov for heimehjelp
• å laga til mat som kan kjøpast ferdig, t.d. brød, kaker, saft og syltetøy
• vedlikehald, t.d. reparsjon av tøy
• transporttenester.