Industri, handel og service

Landbruket spelar framleis ei viktig rolle i kommunen og tradisjonelt har industrien i Sogndal kommune vore knytt til vidareforedling av jord- og skogbruksprodukt. Lerum som er produsent av brus, saft, juice og syltetøy, er med sine om lag 200 tilsette, ei hjørnesteinsbedrift i kommunen. Saman med kjøtprodusenten Nortura utgjer Lerum tyngdepunktet innanfor tradisjonell industri i bygda.

Handelssenter.
Sogndal er handelssenteret for Indre Sogn, ein region med ca. 30.000 innbyggjarar. I den kompakte tettstaden er det meir enn 70 butikkar. På Sogningen Storsenter finn du det du treng i kvardagen – og meir til. I gamle idylliske Fjøra er det spennande spesialbutikkar og fleire koselege møteplassar for innbyggjarane.

På Kaupanger industrifelt finn ein i tillegg til Lerum, m.a. småindustri, handverk og bilforretningar og kjøpesenter.