Informasjon frå skulen til ikkje sambuande foreldre

I dei fleste grunnskular går det born som bur saman med berre den eine av foreldra. Det betyr at skulane må ta omsyn til begge foreldra når det gjeld informasjon.

• Dersom foreldra ikkje har felles foreldreansvar for barnet har også den av foreldra som ikkje har foreldreansvar rett til informasjon om barnet sin skulegang.
• Dersom foreldra har felles foreldreansvar for barnet, har begge foreldra rett til den same informasjon om barnet sin skulegang frå skulen si side. 

Når du er den av foreldra som barnet ikkje bur hjå, kan du venda deg til skulen og be om å få informasjon direkte. Skulen pliktar å imøtekoma dette. Dersom de som foreldre har felles foreldreansvar treng du ikkje kontakte skulen kvar gong du ønskjer informasjon. Det er tilstekkeleg at du generelt ber om å få informasjon. Dersom skulen ikkje får noko oppmoding om å gje slik informasjon, treng skulen heller ikkje gje det på eige initiativ.