Introduksjonsordninga - Introduksjonsprogram for nyankomne flyktningar

Målgruppe

Nyankomne flyktningar som fyller vilkåra under.

Vilkår

Rett og plikt til deltaking i introduksjonsprogram gjeld for nyankomt utlending mellom 18 og 55 år som har behov for grunnleggjande kvalifisering, og som:

a) har fått asyl

b) har fått opphaldsløyve på humanitært grunnlag, etter asylsøknad

c) har fått kollektiv beskyttelse i massefluktsituasjon

d) er overføringsflyktning med innreiseløyve

e) er familiesameina til personar nemnt under a, b, c eller d, og er busett i kommunen etter avtale mellom IMDi og Sogndal kommune.

Pris

Gratis

Handsaming

Introduksjonsprogram skal starte så snart som mogleg, og innan tre månader etter busetjing i kommunen. (link: søknadsskjema)

Handsamingstid

Forvaltningslova gjeld ved handsaming av saker etter introduksjonslova.

Søknadsfrist

Ingen

Klage

Klage etter lov om introduksjonsordning vert handsama av Flyktningetenesta, og kan ankast til Fylkesmannen. Det kan klagast på alle sider av vedtaket.

Introduksjonsordninga skal bidra til lettare og raskare integrering av nyankomne flyktningar til det norske samfunnet. Alle kommunar som buset flyktningar har plikt til å tilby introduksjonsprogram. Deltaking i kommunale introduksjonsprogram er obligatorisk for flyktningane. Kommunale introduksjonsprogram tek sikte på å gi grunnleggjande ferdigheiter i norsk, grunnleggjande innsikt i norsk samfunnsliv og førebu for deltaking i yrkeslivet eller ordinær utdanning. Programmet skal vere individuelt tilrettelagt for deltakar.

Som deltakar i introduksjonsprogram har ein krav på introduksjonsstønad. På årsbasis utgjer dette to gonger folketrygda sitt grunnbeløp. Personar under 25 år mottek 2/3 stønad.

Deltakaren kan forvente å bli møtt av ein eigen programrådgjevar som blir fast kontaktperson gjennom heile introduksjonsprogrammet. Det vert forventa at deltakar samarbeider om planlegging av eige tilvære i landet med tanke på arbeid og kvalifisering. Les meir på www.introsidene.no