Kaupanger

På idrettsområdet på Kvernhushaugen finn du ei flott kunstgrasbane, grasbane og treningsfelt på gras for fotball. Her ligg òg Hjortebakkane Hoppanlegg med plastbakke for hopping på sommarstid.
Det er nytt klubbhus med garderobeanlegg i området.
Kaupanger Idrettslag eig og driv anlegget.

Like ved ligg lysløype for ski om vinteren og til jogging/sykling om sommaren. Løypa er 2,2 km lang og vert eigd av Kaupanger IL og Sogndal IL.

Idrettsplassen ved Kaupanger skule er kommunal og vert nytta som skuleplass og idrettsplass.

Kaupanger IL preparerer skiløyper (turløyper) i området Storehaugen-Lingesete-Haukåsen og området Breisete-Vatnasete-Goro.

Vesterheim Skytebane ligg og på Kaupanger. Sogndal Jeger- og Sportsfiskarlag har leirdueskyting her.

Ved glattkøyringsbana på Kaupanger er det trialbane og go-kart bane.