Konsesjon og buplikt - landbrukseigedom

I dette høve tyder konsesjon løyve til å overta eigedom.

Føremålet med konsesjonslova er å regulere og kontrollere omsetjinga av fast eigedom for å oppnå eit effektivt vern av produksjonsareala i landbruket og slike eigar- og brukstilhøve som er mest gagnlege for landbruket, bl.a. med tanke på:

framtidige generasjonar sine behov
landbruksnæringa
behovet for utbyggingsgrunn
omsynet til miljøet, almenne naturverninteresser og friluftsinteresser
omsynet til busetjinga.

Dersom du arvar, kjøper eller mottek fast eigedom som gåve, må du normalt søkje om konsesjon. Det er mange unntak frå konsesjonsplikta. Til dømes gjeld ikkje konsesjonsplikt for eigedom du overtek frå nære slektningar. I slike høve skal det fyllast ut "Eigenfråsegn om konsesjonsfridom ved tileigning/kjøp av fast eigedom m.v."

Målgruppe

Personar som har overteke ein landbrukseigedom med buplikt.
Personar som har søkt konsesjon og får buplikt som eit vilkår for konsesjonen.

Vilkår

Overtek du ein landbrukseigedom frå nære slektningar, er det eit vilkår for konsesjonsfridomen at du innan eitt år buset deg på eigedomen og bur der i minst 5 år. Landbrukseigedomar med buplikt er bebygde eigedomar der fulldyrka og overflatedyrka jord er meir enn 25 dekar, eller eigedomen har meir enn 500 dekar produktiv skog. Som bebygd eigedom reknast her eigedom med oppførte bustader som er eller har vore brukt som heilårsbustad..

Pris

Sakshandsamingsgebyr

For vanlege konsesjonssaker betalar du gebyr etter følgjande satsar:

3 promille av fyrste million av omsetningsverdi
2 promille av overskytande omsetningsverdi

Gebyret skal ikkje vere lågare enn kr. 750,- (grunngebyr) og ikkje over 20 gongar grunngebyret. Du betaler ikkje konsesjonsgebyr når du søkjer konsesjon fordi du ikkje skal oppfylle den lovbestemte buplikta etter konsesjonsloven § 5 andre ledd.

Handsaming

Du må søkje konsesjon viss du ikkje kan eller vil oppfylle buplikta. I vurderinga av søknaden skal kommunen legge særskilt vekt på:

omsynet til busetjinga i området
om overtakinga av eigedomen inneber ei driftsmessig god løysing
om overtakinga tek omsyn til ei heilskapleg ressursforvalting og til kulturlandskapet
eigedomens storleik, evne til avkastning og husforhold

Tilknytninga di til eigedomen og livssituasjonen din kan tilleggast vekt som eit korrigerande moment.

Du må bruke skjema frå Statens landbruksforvaltning når du skal søkje om konsesjon.

Vedlegg til søknad: Kopiar av heimelsdokumentet (skøyte), kontrakt og takst skal leggjast ved dersom slike dokument finst.