Kriseinfo.no er lansert

På Kriseinfo.no skal befolkninga finna kvalitetssikra informasjon frå styresmaktene. Målet er at innbyggjarane skal finna den informasjonen dei treng på ein stad, utan å måtta kjenna til korleis ansvar og oppgåver er fordelt mellom ulike styresmakter.

Portalen skal vera i kontinuerlig drift og vert fortløpande oppdatert med varsel og informasjon knytt til risiko og beredskap. Portalen skal vera lett tilgjengeleg, og er difor tilpassa dei ulike kanalane folk er på, som til dømes mobiltelefonar og nettbrett.

Portalen er etablert og skal driftast av Direktoratet for samfunnssikkerhet og beredskap (DSB) på oppdrag frå Justis- og beredskapsdepartementet.