Kulturmidlar

Målgruppe

Lag, organisasjonar og enkeltpersonar kan søkje om kulturmidlar. Det er utarbeidd retningsliner for kulturmidlane.

Kulturmidlane kan søkast på av alle lag og organisasjonar som arrangerer kulturtilbod for barn og ungdom. Dette gjeld all aktivitet, inklusiv instruksjon, rettleiing og leiaropplæring.
Tilskotet kan ikkje nyttast til investeringar i bygg og anlegg eller til normale driftsutgifter for institusjonar med særskild statleg tilskotsordning til drift.

Vilkår

Tiltaket må kome innanfor ei romsleg tolking av kulturomgrepet.
Søkjar kan vere lag, samskipnader, institusjonar eller einskildpersonar som driv kulturarbeid i kommunen. Prinsippet må vere at tiltaket vil gje auka aktivitet og trivsel for innbyggjarane i ei grend eller i heile kommunen.
Tilskotet vert gjeve etter mellom anna aktivitet, medlemstal, økonomi og kontingent, og ein vil prioritere nye tiltak og lag som driv aktivt, men økonomisk forsvarleg.
Søknadsfrist må overhaldast. Det skal nyttast eige søknadsskjema. Med søknaden skal det følgje rekneskap, årsmelding og ein grunngjeven plan for det vidare arbeidet.

Handsaming

Ordninga vert kunngjort i lokalavisa/heimesida ca. 10. mars kvart år med søknadssfrist 1. april. Søknadsskjema og retningsliner skal vere tilgjengeleg i tenestetorget, Sogndal bibliotek og på kommunen si heimeside. Politisk handsama i formannskapet. Fylgjande punkt er vedteke:

Det er ei fast hovudutdeling for året med søknadsfrist 1. april. Ein del av midlane bør haldast att til resttildelinga i desember.
Tiltak for barn og unge er prioriterte.
I tillegg vil ein kunne prioritere tiltak som gjev eit kulturtilbod for folk i kommunen - som konsertar og andre framsyningar - og drift av forsamlingslokale.
Lokale tiltak skal prioriterast framfor tiltak på regional/fylkesplan.
Ein del av midlane skal kunne nyttast i eit samarbeid med lag/organisasjonar/skular for å få gjennomført vedtekne tiltak t.d. i friluftsplanen og miljøplanen.
Resttildeling: Søknader skal vere hjå sakshandsamar innan 1. november. Behandling i siste formannskapsmøte i desember. Ingen utlysing av resttildeling.