Landbrukseigedom - deling

Som hovudregel i jordlova er det forbode å dele landbrukseigedommar. Føremålet med dette forbodet er å sikre at ressursgrunnlaget for driftseininga ikkje blir redusert. Ein eigedom som blir nytta eller kan nyttast til jordbruk eller skogbruk, kan berre delast etter samtykke frå kommunen. Når ein skal avgjere om samtykke skal gjevast, skal det m.a. takast omsyn til

om deling kan føre til drifts- eller miljømessige ulemper for landbruket i området
godkjende planar som finst for arealbruk etter plan- og bygningslova
kulturlandskapet

Det er viktig å merkje seg at sjølv om eitt eller fleire vilkår for deling er oppfylt, gjev ikkje det nokon automatisk rett til samtykke.

Målgruppe

Dei som har grunnboksheimel til landbrukseigedom, eller som ein trur kan vere den faktiske eigaren til eigedommen.

Vilkår

Samtykke til deling kan gjevast dersom

samfunnsinteresser av stor vekt talar for det
deling er forsvarleg ut frå omsynet til den avkastninga eigedommen kan gje

I samband med eit samtykke til deling av landbrukseigedom kan det setjast vilkår som er nødvendige for å ivareta formålet i lova.

Pris

Gebyr for delingssøknad etter jordlova er kr. 750 pr. sak og er fastsett ved forskrift frå departementet.

Handsaming

Søknad om deling av landbrukseiendommen skal sendast til kommunen. Søknaden må innehalde beskriving av eigedommen og plassering på arealet det blir søkt om deling av.