Nattevandring - vaksne som bryr seg

Dei omlag 240 nattuglene frå Leikanger, Luster og Sogndal går vakter i Sogndal sentrum onsdagar og laurdagar heile året. Nattuglene går ute til utestadene stengjer, slik at det skal vera edru vaksne i sentrum når folk går heim. Nattuglene ønskjer å gjera sentrum til ein tryggare plass å vera for all ungdom.

Nattuglene skal gjera ein innsats for å minska rusbruk og vald blant ungdommane. Nærver av edru og vaksne personar i gatene på kvelds- og nattetid virkar positivt inn på miljøet vårt.

Nattuglene sine 10 bod

1. Nattuglene nyttar aldri vald i konfliktsituasjonar
2. Nattuglene sksla ikkje gripe inn i konfliktar
3. Nattuglene er ikkje borgarvern. Det er klare grenser mellom politiet og nattuglene sitt virkefelt
4. Hald deg til di moralske teieplikt
5. Gje klar og enkel informasjon om relevante instansar i det offentlege hjelpeapparatet som kan hjelpe og støtte ein ungdom som strir med vanskelege problem
6. Gå alltid fleire saman. Vent på kvarandre dersom ein blir opptatt i samtalar og liknande
7. Du må ikkje nyte rusmidlar før eller under deltaking i nattuglevandringa
8. Vis gjennom tydeleg merking, i form av godkjend uniformering (nattuglevestar/jakker) at du er nattugle
9. Ikkje bruk for lang tid dersom du treffer vener og kjende når du går nattugle. Hugs, i kveld er du til disposisjon for ungdommen!
10. Ved akutt, truande eller problematiske situasjonar - ikkje grip inn! Observer og meld straks frå til politiet

Har du spørsmål?
Vil du melda deg på som nattugle?

Ta kontakt med

Frivilligsentralen v. Åge Vedvik
telefon 99286017
epost Aage.Vedvik@sogndal.kommune.no