Nydyrking - Godkjenning av plan

Målgruppe

Dei som driv med dyrking av jordbruks- og hagebruksvekster eller kombinert husdyrhald og planteproduksjon

Handsaming

Søknad om godkjenning av plan for nydyrking på fastsett skjema.
Søknaden skal innehalde kartdel som viser nydyrkingsarealet, eigedomen og området ikring. Kartdelen skal vise tilkomst til nydyrkingsarealet. Det skal leggast ved plan for grøfting og opplysningar om planlagt drift av arealet. Kommunen hentar inn naudsynt uttale/informasjon. M.a. skal regional kulturmyndigheit og Fylkesmannen ha høve til å kome med uttale. Uttalefrist er minst ein månad.
Saka vert avgjort i forvaltningsutvalet med rapportering til Fylkesmannen i Sogn og Fjordane, landbruksavd.
Nydyrkinga må vere iverksatt innan tre år etter at godkjenning er gjeve, elles fell løyve bort. Det kan setjast vilkår for godkjenning.

Vedlegg:
1. Søknad om godkjenning av plan for nydyrking.
2. Kart som syner nydyrkingsarealet, eigedomen og området ikring
3. Plan for grøfting og opplysningar om planlagd drift av arealet

Nydyrking er regulert av Forskrift om nydyrking. Tiltakshavar må lage plan for nydyrking og søke kommunen om godkjenning av plan for nydyrking. Kommunen henter inn uttale frå aktuelle instansar. Søknaden skal vurderast med serleg vekt på kva verknader tiltaket kan få for natur- og kulturlandskapsverdiar. Det skal leggast vekt på styrking av driftsgrunnlaget for driftseininga og om tiltaket legg til rette for drifsmessig gode løysingar. Avgjerd i forvaltningsutvalet. Nydyrking av areal over 300 da kan ikkje godkjennast med mindre tiltaket er konskvensutgreidd, jmf. Plan - og bygningslova

Med nydyrking meiner ein fulldyrking og overflatedyrking av jord. Gjenoppdyrking av jordbruksareal som har lege unytta i over 30 år, vert rekna som nydyrking. Med fulldyrking meiner ein rydding og bryting til vanleg pløyedjupne slik at arealet kan nyttast til åkervekster eller til eng og beite som kan fornyast ved pløying.

Med overflatedyrking meiner ein rydding og sletting av overflata slik at maskinell hausting er mogeleg. Natur - og kulturlandskapsverdier omfattar etter denne forskrifta miljøkvalitetar som landskapsbilete, mangfaldet i naturen og kulturminner. Til landskapsbilete høyrer eks. tilkomst til bakanforliggande areal.

----------------

Forskrift om nydyrking , fastsett av Landbruksdep. 2. mai 1997, med heimel i jordlova

----------------

2010-10-08 Berit Røneid