Offentleg ettersyn: Detaljreguleringsplan for Elvebakken 14

Forvaltningsutvalet handsama saka i møte 9.2.2012, sak 6/12, og gjorde slikt vedtak:

1.   Forvaltningsutvalet legg framlegg til detaljreguleringsplan for Elvebakken 14, datert 25.1.2012, ut til offentleg ettersyn, jf. plan- og bygningslova § 12-10. Før planen vert lagt ut til offentleg ettersyn skal følgjande endrast i føresegn og plankart:

• arealføremål for leikeplass (L) skal utvidast til minimum 70 m²
• § 4.6 skal endrast til følgjande: «Det skal opparbeidast minimum 1,5 parkeringsplassar i parkeringshuset per bustad, totalt 18 plassar. Ekstra parkeringsplassar for rørslehemma kan leggjast på bakkeplanet.»

2.  Forvaltningsutvalet ber rådmann gjer ei nærare vurdering av plassering og omfang av AVT og gjev rådmann fullmakt til å gjere endringar på dette punktet før utlegging til offentleg ettersyn.

Planframlegget er revidert i tråd med vedtaket, og vert lagt ut til offentleg ettersyn i samsvar med plan- og bygningslova § 12-10.

Føremålet med planen er å leggje til rette for utbygging av to rekkehus i to etasjar, samt felles parkeringshus under bakken med 33 parkeringsplassar. Planområdet omfattar også noko trafikkareal og ein felles leikeplass. Området er på om lag 1,9 daa og ligg i Elvebakken i Sogndalsfjøra.

Planframlegget vert lagt ut på nettsida til kommunen, kulturhuset og kommunehuset i tidsrommet 20.2.2012 til 2.4.2012.

Ønskjer du nærare opplysningar tek du kontakt med Sogndal kommune v/ plan og næring. Vi vil be om at dei som har interessar i området, nyttar høvet til å sjå etter kva verknader planen vil få.

Merknader kan sendast på elektronisk skjema eller sendast skriftleg til:
Sogndal kommune, postboks 153, 6851 Sogndal, eller postmottak@sogndal.kommune.no, innan 2. april 2012.

Vedlegg:
Planframlegg Elvebakken.pdf
Plankart Elvebakken.pdf
Plankart Elvebakken 14 Alternativ 2.pdf
Saksframlegg.pdf