Økonomisk sosialhjelp

Søknad om sosialhjelp skal som hovudregel framsetjast skriftleg. Det kan i visse tilfelle akseptere at søknad vert framsett muntleg.

Søknadsskjema og eventuell hjelp til utfylling kan du få ved å kontakta NAV-kontoret. For at søknaden skal kunne handsamast så raskt som muleg, må søknaden vera fullstendig og korrekt utfylt og dokumentasjon må liggja ved søknaden. Dersom det manglar dokumentasjon, vil du få melding om det og søknaden vert lagt til sides til dokumentasjon er framskaffa.

Søkjaren har plikt til å gje opplysningar som er naudsynte for at NAV-kontoret skal kunna avgjera saka. NAV-kontoret har plikt til å sikra at ein søknad blir så godt opplyst som mogleg, det vil seia undersøkja trongen for hjelp og søkjaren sine framtidige moglegheiter til å greia seg sjølv. Ved gjennomgang av søknaden vil NAV-kontoret kontrollera opplysningane i søknaden mot vedlagt dokumentasjon. I tillegg kan NAV-kontoret kontrollera opplysningane mot offentlege register som: folkeregister, Husbanken (bustøtte), arbeidsgjevar og skatte- og likningskontor.
 
Vedtak :
Alle som søkjer om sosialhjelp får skriftleg svar på søknaden i form av eit vedtak. Sakshandsaminga kan ta inntil tre veker frå søknaden er levert til vedtak vert fatta. Dersom det ikkje er mogleg å behandla søknaden innan ein månad, skal søkjaren få eit førebels svar, jf. reglane i Forvaltningslova. Er søkjaren i ein akutt situasjon utan midlar til mat, kan vi gje krisehjelp.