Permisjon frå grunnskuleopplæringa

Opplæringslova omhandlar to ulike typar permisjonar:

 

A. Når det er forsvarleg, kan kommunen etter søknad gi den enkelte elev permisjon i inntil to veker.

B. Elevar som høyrer til eit trussamfunn utanfor Den norske kyrkja, har etter søknad rett til å vere borte frå skulen dei dagane trussamfunnet deira har helgedag.

Målgruppe

A. Alle elevar som søkjer permisjon frå opplæringa.

B. Elevar som høyrer til eit trussamfunn utanfor Den norske kyrkja, og deira pårørande. 

Vilkår

A. Skulen vil vurdere om permisjon er forsvarleg. Søknaden skal innehalde fritaksperiode og grunngjeving.

B. Det er eit vilkår for retten at foreldra sørgjer for nødvendig undervisning i permisjonstida, slik at eleven kan følgje med i den allmenne undervisninga etter at permisjonstida er ute.
 

Handsaming

Søknader blir handsama fortløpande, og er eit enkeltvedtak med klagerett til fylkesmannen.

Handsamingstid

Kommunen har plikt til å handsame saka så snart som mogleg. Dersom saka ikkje kan avgjerast innan 1 månad, skal du ha skriftleg svar om årsaka til det, med opplysning om når ein meiner at vedtaket blir gjort.

Søknadsfrist

Søknaden blir handsama fortløpande. Ein må ta høgde for 1 veke sakshandsamingstid.

Klage

* Klage på vedtaket skal sendast til den skulen som har gjort vedtaket innan tre veker.
* Klageinnstans er Fylkesmannen.Før klagen vert sendt dit, skal skulen som fatta vedtaket, vurdere om det er grunn til å endre det. Dersom vedtaket står ved lag, vil saka bli sendt til Fylkesmannen for klagehandsaming.

Intern informasjon

Referansar:
Opplæringslova § 2-11. Permisjon frå den pliktige opplæringa.
Forskrift til opplæringslova § 3.41
Forskrift om endring i forskrift 23.juni 2006 nr. 724 til opplæringslova. Føring av fråvær i grunnskulen. 

2010-10-06 Berit Røneid
Tips ein ven Tips ein ven Skriv ut
Web levert av CustomPublish AS