Heim @ www.sogndal.kommune.no

Vegstenging Kaupanger i veke 21

Fri, 18 May 2012 13:00:14 +0200

Kv. 50 Skogavegen vert stengt for gjennomkøyring ved Mårkjetteholet grunna vegarbeid.

Omkøyring vert på Kv. 48 frå Rv. 5 ved Vesterland.

Framlegg til ruspolitisk handlingsplan 2012 - 2016 er lagt på høyring med høyringsfrist 21.05.12

Tue, 22 May 2012 07:59:17 +0200

Framlegg til rusplan 2012-2016.pdf

Rusplan invitasjon ope høyringsmøte.pdf

Skjema - innspel

Samle turpostar i Sogndal 2012!

Wed, 02 May 2012 11:33:47 +0200

Turlaget vidarefører tilbodet som starta i fjor, med ekstra merking av
utvalde turar i Sogndal passande for både born og vaksne. Slik vert det
lett for deg som likar å komme deg ut på tur, og ynskjer å bli betre
kjend i nærmiljøet. Fine premiar ventar om du klarer å få fullt
klyppekort!

Turpostane
Startpunktet er merkt med namn på posten, undervegs føl du raude prikkar.
Posten består av ein postkasse med klyppetang og namnebok
Enkelte turar har rasteplassar undervegs der ein kan setje seg

Deltaking
Deltakarar kjøper ei lita bok som inneheld kort skildring av turane, og
kvar tur skal registrerast med eit klypp. Klyppeboka er til sals på
Intersport Sogndal.

Vedlegg
Plakat som kan skrives ut og henges opp til informasjon og motivasjon.
Turpostar 2012.pdf

Kommunal planstrategi for Sogndal kommune

Wed, 02 May 2012 09:46:05 +0200

Gjennom arbeidet med planstrategien har Sogndal kommune, med bakgrunn i utfordringar og utviklingstrekk i Sogndal-samfunnet, synleggjort det samla planbehovet til kommunen. Kommunen har også gjennom planstrategien teke stilling til at det er behov for revisjon av arealdelen til kommuneplan. Den kommunale planstrategien vert eit nyttig hjelpemiddel for det nye kommunestyret til å prioritere planoppgåver.

Den kommunale planstrategien ligg tilgjengeleg under «Offentleg ettersyn, høyringar og kunngjeringar».

Eventuelle synspunkt til planstrategien sendast:
elektronisk skjema
postmottak@sogndal.kommune.no
Sogndal kommune ved plan og næring, Postboks 153, 6851 Sogndal.

Frist for å kome med synspunkt vert sett til 1.6.2012.

Tilskot til private vegar

Fri, 27 Apr 2012 15:01:43 +0200

Sogndal Kommune gjev eigarar av private vegar etter søknad, tilskot til drift av vegar etter følgjande vilkår:

Vegen skal vera open for ålmenn ferdsel. Søkjar må leggja fram dokumentasjon på vedlikehaldsutgifter.

Private vegar der berre ein eigedom har heilårsbusetnad med lengde over 200 m og som vert nytta både til skuleskyss og innsamling av hushaldningsavfall (tvungen renovasjon).

Private vegar til heilårsbustader med lengde over 400 m og som vert nytta både til skuleskyss og innsamling av hushaldningsavfall (tvungen renovasjon).

Tilskotet er inntil kr 30,- pr meter veg. Dersom tilskotgrunnlaget samla sett er større enn løyvingane til dette føremålet vert tilskotet pr. meter veg redusert, slik at samla utbetaling ligg innafor budsjettramma.

Søknad skal sendast til Sogndal kommune, postboks 153,6851 Sogndal

eller e-post: postmottak(a)sogndal.kommune.no

Søknadskjema
Søknadsfrist er 18.mai 2012.

Vellukka entreprenørskapsmesse

Tue, 08 May 2012 14:12:53 +0200

Hovudmålgruppa for messa er dei 360 elevane i 8. klasse. Dei fekk plenumsforedrag av Yngvar Andersen og 12 lokale verksemder opna dørene for elevane og viste mangfaldet av spennande arbeidsplassar i Sogn.

Arrangør av messa var Luster kommune og Sogn regionråd. Elevane frå Luster ungdomsskule og Hafslo barne- og ungdomsskule var flott vertskap. - Dei var guidar, informasjonsmedarbeidarar og vertar i tillegg til at dei sjølve deltok med elevbedrift.

24 elevbedrifter frå 9. klasse i dei åtte kommunane konkurrerte i tre kategoriar. Vinnarane er "Omsorgsgjengen" frå Kvåle ungdomsskule (kategorien "Nyskaping og kreativitet"), "Sunn energi" frå Aurland barne- og ungdomsskule (kategorien "Berekraft") og "Superbursdag" frå Hafslo barne- og ungdomsskule (kategorien "Formidling og kommunikasjon").

Les meir på Luster kommune si nettside.

Program

Omsorgsgjengen

Sunn energi

Superbursdag

Områdereguleringsplan for Kjørnes IV

Fri, 27 Apr 2012 15:42:10 +0200

Forvaltningsutvalet vedtok i møte 18.4.2012, sak 20/12, å legge områdereguleringsplan for Kjørnes IV, datert 30.3.2012, ut til offentleg ettersyn, jf. plan- og bygningslova § 12-10.

Planområdet er på om lag 100 daa, og er omfatta av reguleringsplan for Kjørnes II og III, vedteke 19.12.1983, samt ein liten del av reguleringsplan for Kjørnes III austre del, vedteke 30.1.1997. Føremålet med ny områdereguleringsplan er å gje meir detaljerte føresegner for det nye bustadfeltet, samt gjere naudsynte justeringar av det regulerte vegsystemet, mellom anna for å betre stigingsforholda og stette dagens standardkrav.

Planframlegget vert lagt ut på kommunehuset og kulturhuset i tidsrommet 21.4.2012 til 4.6.2012. Vi vil be om at dei som har interesser i området, nyttar høvet til å sjå etter kva verknader planen vil få.

Merknader sendast skriftleg innan 4. juni 2012, på elektronisk skjema eller til postmottak@sogndal.kommune.no eller Sogndal kommune, postboks 153, 6851 Sogndal.

Ynskjer du nærare opplysningar tek du kontakt med Sogndal kommune v/plan og næring.

Vedlegg:
Saksframlegg 1.gongs handsaming.pdf
Plankart Kjørnes IV 30.03.2012.pdf
Føresegner 30.03.2012.pdf
Planomtale 30.03.2012.pdf
Plan for vatn, avløp og overvatn for Kjørrnes IV.pdf
ROS-analyse 30.03.2012.pdf

Utlevering av bioposar

Fri, 20 Apr 2012 07:45:13 +0200

Ved tømming av våtorganiske dunkar på dei ulike rutene desse vekene, vil det bli lagt ut 2 stk rullar med gratis bioposar på dunkane med brunt lok. Det er difor viktig å hugse og setje ut dunken med brunt lok desse vekene, melder SIMAS.

Dersom ein har behov for fleire rullar kan desse kjøpast på dei fleste matbutikkar, på tenestetorget eller på miljøstasjonen.

Stem på "Årets kultur-idé 2012"

Tue, 24 Apr 2012 13:27:52 +0200

Både Fjærland og Kaupanger er mellom finalistane til kåringa av årets kulturidé i fylket!

Boknatti i Fjærland er nominert for deira spesielle miks av gjenbruk, bokmarknad, litteratur, kultur og natur.

Det andre prosjektet frå kommunen vår som er nominert er ein "idéverkstad for landskapsforteljingar". Amlabukti grendelag, Knaken og Kaupanger Hovedgård vil saman utvikla ein unik kultursti i Kaupanger, med mobiltelefonen som «personleg guide» og utsmykking av spanande kunst.

Det er Sparebankstiftinga og NRK Sogn og Fjordane som saman står bak konkurransen “Årets kultur-idé 2012″. Kven som vinn vert bestemt av røystene frå publikum og ein fagjury.

Vil du vera med og stemma på din favoritt? Klikk her for å sjå finalistane og delta i avstemminga. Du kan stemma ein gong i døgnet per ip-adresse.

Vinnaren - som får 100 000 kroner - skal kårast 11. mai i ei direktesending frå NRK Sogn og Fjordane i samband med Balejazz.

Flyktningtenesta treng husvære

Tue, 17 Apr 2012 11:05:10 +0200

Sogndal kommune skal busetje flyktningar som har fått opphaldsløyve. Desse treng husvære.

Har du eit husvære for utleige?

Ta i tilfelle kontakt med flyktningtenesta ved Olaug Marie Bjelde 99286014 eller Oddvar Husum 99286016.