Heim @ www.sogndal.kommune.no

Studentveka i Sogndal

Mon, 20 Feb 2012 09:16:58 +0100

I to veker til ende, vert saftbygda forvandla til eit fyrverkeri av kulturelle opplevinagar. Det er utan tvil den største kulturhendinga i fylket på vinterstid. Studentveka vert planlagt og gjennomført av studentar frå Høgskulen i Sogn og fjordane, og er eit arrangement som famnar heile bygda. Med daglege arrangement på studenthuset Meieriet og eit breitt mangfald av aktivitetar rundt omkring i nærområdet, er det noko for ein kvar smak.

Veka har rykte på seg for å ha blant Noregs beste konsertscene, få konsertlokal klarar å slå Tanken når glade studentar fyller den under studentveka. Det er ikkje for ingenting at mange artistar kjem igjen til Meieriet og Sogndal, og at mellom 5000 og 7000 personar vitjar studenveka i saftbygda.

Under Veka finn du eit breitt spekter av kulturtilbod; studentrevy, kunst og biletkunst, barnekonsertar og eigne dagaktivitetar for barn, ungdomskonsert, skidag, urban skileik, performance, stand up, basar og leikar mellom det du kan oppleve.

For komplett program og meir informasjon besøk www.studentveka.no

Fjellsportfestivalen

Mon, 20 Feb 2012 09:12:07 +0100

Fjellsportfestivalen 2012 har eit tettpakka, innhaldsrikt og spanande program. Det kan være lurt å setje seg litt inn i programmet, slik at du ikkje går glipp av godbitane. Legg særleg merke til kor mykje det er å spare på å kjøpe festivalpass. Alle som kjøper festivalpass før 10. februar er med i trekninga av ein bil.

Fjellsportfestivalen 2012 startar mandag 21. februar med løparmøte for Sogndal Freeride World Tour Qualifier. Tysdag til søndag vert det aktivitetar og konkurransar, sosiale og faglege arrangement for store og små.

For deltajert program og meir informasjon besøk fjellsportfestivalen på nett.

Arrangør: Bratt Moro

Det er Bratt Moro AS som står bak Fjellsportfestivalen. Selskapet er eigd av lokale entusiastar og har utover Fjellsportfestivalen fleire andre aktivitetar, td:

Sogndal Fjellsportsenter
Bulystprosjektet Møteplass og kunnskapsbase for fjellsport og ekstremsport
Reiselivsnettverket Fjordski
Bratt sommarfestival

Kontakt: Bratt Moro AS. Postboks 164, 6851 Sogndal, Fon: 97 58 79 31, epost: post@brattmoro.no

Resultat frå UKM

Tue, 14 Feb 2012 12:23:10 +0100

Etter eit flott UKM-arrangement i kulturhuset søndag 12. februar 2012 har dommarane felt sin dom over kven som kjem vidare til fylkesmønstringa i Nordfjordeid 20. - 22. april.

Innslaga som går vidare til fylkesmønstringa er:

Sigrid Sandal - med kunstverket "Lille My"
Endre Aaberge Dahl - Musikk
Hotclub de Sogndal - Musikk
Oddbjørn - Musikk
The freshness ft. Kari Anne - Musikk
Namitha Hjelle - med filmen "Converse"
Sandra & Solvei - Dans

Gratulerer så mykje til dei som kom vidare!

Bilete og andre godbitar frå UKM 2012 vil bli lagt ut på ke-skjir.

Lån kunst på biblioteket

Mon, 13 Feb 2012 13:15:10 +0100

Dei som vil låna kunst må ha lånekort på biblioteket og vera over 18 år. Bileta kan lånast til privat bruk.

Lånetida er 4 månader med høve til fornying om ingen andre ventar. Eit depositun på 200 kr. må betalast ved utlån.

Les meir om dette nye tilbodet på biblioteket si nettside.

Revisjon av ruspolitisk handlingsplan

Wed, 08 Feb 2012 12:45:37 +0100

Sogndal kommune har starta opp arbeidet med å revidere kommunen sin ruspolitiske handlingsplan.

Vedtak i formannskapet i møte 01.12.2011. sak 97/11.

Eksisterande plan.

Ved spørsmål ta kontakt med Inger Pedersen, tlf. 57 62 96 12.

E.post :inger.pedersen@sogndal.kommune.no

Kontaktmøte 27. februar - Frivilligsentralen

Mon, 06 Feb 2012 12:27:14 +0100

Frivilligsentralen inviterar lag og organisasjonar til kontaktmøte 27. februar 2012 kl. 19.00. i kommunestyresalen.

Tema for møtet :

Informasjon om arbeidet i Sogndal Frivilligsentral
Frivillig strategi v/sakskomite`
Idemyldring - Open post
Val av 1 representant til styret + vararepresentant.

Invitasjon utsendt til lag og organisasjonar i Sogndal.

Vedtekter for frivilligsentralen.

Karrieremesser i Bergen og Trondheim

Mon, 06 Feb 2012 10:58:13 +0100

Kommunane i Sogn ønskjer å visa breidda i offentlege og private arbeidsplassar i regionen, og vert å finna på stand på begge messene.

Erfaringar viser at mange arbeidstakarar blir overraska over det store mangfaldet av kompetansearbeidsplassar som finst i vår region.

På messene kjem studentar og arbeidstakarar. Messene er ein arena både for dei som er ute etter ein jobb og for dei som berre har lyst til å vita kva som finst av moglegheiter. Her får dei besøkande gode høve til å treffa bedrifter, ha det triveleg og få inspirasjon til karriereval.

Programmet for kvelden er ei god blanding av informasjon, spanande stands, underhaldning og god mat. Kommunane i indre Sogn stiller samla på Sogn regionråd sin stand. I Bergen vert messa 15. februar og i Trondheim 1. mars. Arrangør er Framtidsfylket.

Les meir om messene

Norskkurs for minoritetsspråklege

Mon, 30 Jan 2012 08:59:56 +0100

Norskopplæringa i Sogndal vil i løpet av februar ta inn nye elevar til norskopplæring.

Tidspunkt for oppstart og organisering er avhengig av kor mange som melder seg til kurs.

Påmeldingsskjema og fleire opplysningar i tenestetorget telefon 57 62 96 00.

Påmelding innan 1. februar

Norwegian language course

There will be a new course in norwegian language starting in the beginning of February, if there are enough participents. Starting date and organization depens on how many that will join the course.

If you need further information please contact Tenestetorget at Sogndal kommune, phone: 57 62 96 00.

Please fill in the reservation form within 1 st of February if you are interested.

Vegstenging

Wed, 25 Jan 2012 14:15:50 +0100

Stenging av Parkvegen

På grunn av anleggsarbeid vert Parkvegen stengd fram til 1.mai.
Tilkomst til Rimi/Banken vert frå Fjørevegen v/Meieriet.

Jaktstatistikk 2011

Fri, 03 Feb 2012 13:04:45 +0100

Tal frå hjorteviltregisteret syner at i alt 500 dyr vart felt i Sogndal kommune i 2011. Dette gir ein fellingsprosent på 53,7.

Fellingsrapportar og observasjonar er lagt inn på www.hjortevilt.no, og alle kan gå inn og sjå detaljerte resultat, både for heile kommunen og på valdnivå.

Dei 500 felte dyra for 2011 fordeler seg slik når det gjeld alder og kjønn:

Hjortestatistikk 2011
Hanndyr			Hodyr
Kalv	1,5 år	Eldre	Kalv	1,5 år	Eldre
77	55	110	64	74	120