Skjenkeløyve ved enkeltarrangement

Løyve til servering av øl og vin ved enkelthøve kan vere opne arrangement.

Målgruppe

Lag, organisasjonar, institusjonar og enkeltpersonar.

Vilkår

All servering av alkoholhaldig drikk mot ein eller annen form for betaling krev løyve. Ansvarleg skjenkestyrar må vere fylt 20 år (det blir kravd legitimasjon). Det er ikkje krav om stått kunnskapsprøve.

I dei kommunale retningslinene er det sett ei øvre grense på 4 løyve pr. år til kvart forsamlingslokale, og det skal vere i samband med særskilte arrangement.

Pris

Det er eit gebyr på kr. 400,- pr. løyve.

Handsaming

Aktuelle lokale for slike arrangement vil vere forsamlingslokale med blanda føremål:

Kulturhuset - avgrensa til kantine/kafèareal
Storhallen - nærare avgrensa til kafè/kantineareal
Musea
Andre offentlege forsamlingslokale, eventuelt med kombinert bruk

Det kan ikkje gjevast skjenkeløyve til:

Stader som er spesielt retta mot ungdom
Lokale som vert nytta til idretts- og mosjonsaktivitetar med unnatak av Storhallen i tilknytning til andre arrangement enn idrett
Idretts-arrangement
Kantiner, kafèar, restaurantar i tilknytning til butikksenter, kioskar, bensinstasjonar, trafikkstasjonar o.l.

Det er ikkje krav om å gjennomføre kunnskapsprøva etter alkohollova for å få skjenkeløyve ved enkeltarrangement.