Sogndalspatriot

Hildur Seim er ei dame som på eige initiativ kombinerer sine spaserturar med å plukke bos. Hildur seier at ho har stor glede av at det ser skikkeleg ut, og får positive attendemeldingar frå dei som ser kva ho gjer.

Hildur tykkjer òg det er flott å få merksemd frå skuleelevar. Og ho sette stor pris på eit smykke ho fekk frå 6. klasse ved Trudvang skule til jul. Hildur merkar at det vert mindre bos når skulane sluttar. Ungane er flinke til å bruke boskorgene, kanskje litt verre med mange av oss andre.

Driftsingeniør kommunalteknikk Ingrid Slinde og ordførar Jarle Aarvoll overrekte blomsterhelsing til Hildur Seim

Mange gjer ein flott innsats i lokalsamfunnet for at det skal sjå skikkeleg ut rundt oss. Det er så lett å snakke om boset, desto hyggelegare når nokon gjer noko med det.

Jarle Aarvoll
ordførar