Ungdomsstipend

Sogndal kommune sitt ungdomsstipend har som føremål å hjelpe unge, aktive kulturutøvararar til å søkje utvikling og framgang på sitt område - som idrett, song, musikk, dans, ballett, teater, instruktørarbeid, skriving m.m.

Målgruppe

Ungdom mellom 12 og 25 år, og som er heimehøyrande i kommunen.

Vilkår

RETNINGSLINER FOR UNGDOMSSTIPEND

Sogndal Kommune kan kvart år dele ut ungdomsstipend.
Føremålet med stipendet er å hjelpa unge, aktive kulturutøvarar til å søke utvikling og framgang på sitt område – som idrett, song, musikk, dans, teater, ballett, instruktørarbeid, skriving, film osv.. Stipendet skal tene som ein honnør for særleg innsats og til vidare inspirasjon.
Stipendordning vert kunngjort gjennom lokalavisene. Det skal nyttast særskild søknadsskjema. Søkjaren må vera mellom 12 - 25 år, og vere heimehøyrande i kommunen. Ungdomane søker sjølve, men det er ønskjeleg med ein dokumentasjon frå ein vaksen person. Dette kan vera trenar, instruktør, lærar, foreldre o.s.v..
Dei som får stipend, skal bruke det innan område dei meinar kan gje inspirasjon og framgang.
Ein kan ikkje få ungdomsstipend meir enn ein gong.
Formannskapet avgjer om stipendet skal delast ut, kven som skal få stipend og storleiken på kvart stipend. Storleiken på samla stipendsum vert fastsett i kvart årsbudsjett.
Formannskapet vil leggja vekt m.a. på følgjande kriteria ved tildeling: * Innsats, resultat, røynsle, bakgrunn * Utsikter til vidare framgang * Vidare planar