Utstilling i Galleri Instituttet

Laurdag 2. juli opnar Lillian Samdal og Kristi Ylvisaker utstillinga Songtitlar og Måleri ved Galleri Instituttet i Svedal i Sogndalsdalen.

Galleri Instituttet vart starta av kunstnaren Kristi Ylvisaker i 2002. Oljemåleria som vert stilte ut i Galleri Instituttet denne sommaren er produserte det siste året ho levde. Ylvisaker gjekk bort våren 2010.

Lillian Samdal er biletkunstnar, songar og låtskrivar frå Sunnfjord. I denne utstillinga viser ho ei samling objekt som vart til under eit stipendopphald i Berlin i vår. Prosjektet med namnet songtitlar, er eit møte mellom musikk og visuell kunst som uttrykksform.

Utstillinga står til laurdag 13 august.
Det vert konsert med Lillian Samdal på opninga.