Varer og tenester

Forbrukarrådet tek vare på forbrukarane sine interesser. Forbrukarrådet for Sogn og Fjordane og Hordaland ligg i Bergen. Telefon 815 58 200, epost bergen@forbrukerradet.no

Forbrukarombodet forvaltar og har tilsyn med marknadsføringslova. Vil du klage på til dømes villeiande marknadsføring og reklame kan du ta kontakt på telefon 23 400 600 eller epost post@forbrukerombudet.no eller du kan gå direkte til skjemaet forbrukerombudet.klage/tips.

Byterett er ikkje regulert ved lov. Retten til byte kan anten avtalast med seljaren, eller retten følgjer av sedvane eller annan praksis i bransjen. På nettsidene til Forbrukarrådet, forbrukerportalen.no, finn du informasjon om byte av varer.

Dersom det viser seg at du har kjøpt ei vare som har manglar, har du rettar etter forbrukerkjøpslova. Du har då rett til å få prisavslag, ny vare eller å få heva kjøpet, alt etter om mangelen er vesentleg eller ikkje. Du kan også krevje at seljaren reparerer vara utan kostnader for deg. Seljaren har elles rett til å prøve å reparere vara før han gir deg ei ny.

Les om varer med manglar på nettsidene til Forbrukarrådet. Her finn du også informasjon om rettane dine ved kjøp via postordre, telefon, Internett m.m.