Vassforsyning

Sogndal Kommune har tre vassverk som leverer drikkevatn til mesteparten av innbyggjarane i Sogndal Kommune. Sogndal Vassverk dekkjer Kaupanger og Sogndal Sentrum og har Breisetevatnet som drikkevasskjelde. Ylvisåker vassverk dekkjer skulen og barnehagen og Nornes vassverk dekkjer byggjefeltet på Nornes. Begge har vatn frå brønn.

Det blir regelmessig teke prøver av vatnet før og etter reinsing på reinseanlegga og prøver av vatnet som blir levert på leidningsnettet. Sognlab vert nytta til analysering av vassprøvane.

Drift og utbygging av vassforsyninga vert gjort i samsvar med "Hovudplan for vassforsyning" og har som hovudmål; nok vatn, godt vatn, sikker og effektiv vassforsyning. Alle vassforsyningssystem skal vera godkjend av myndigheit når det forsyner:

1. Minst 20 husstandar, her også hytter eller minst 50 personar.
2. Næringsmiddelverksemd.
3. Helseinstitusjon.

Henta frå Kommunal forskrift om veg, vatn og avløp.

I utgangspunktet kan alle som vil knyta seg til det kommunale vassverket dersom det er leidningsnett i nærområdet. Den som ynskjer, eller vert pålagd tilknyting til vassverket, skal søkje om dette på eige søknadskjema til tenesteeining for kommunalteknikk. Søknadskjema vert utlevert i Tenestetorget.

Normalt er det den som ynskjer tilknyting som må ta kostnaden, samt tilknytingsgebyret. Tilknytingsgebyret er eit eingongsbidrag som er ein fast sats for bustadar og variabel i høve dimensjon på inntaksleidning for næringsverksemder. Den som er knytt til det kommunale vassverket må betale ei årsavgift basert på fast prosentvis fordeling av ein fastledd og ein forbuksledd (40 - 60%) der forbruksgebyret er basert på målt forbruk eller etter omrekningsfaktor lik 1,4 m3/m2 og faktisk areal for bustad og målt forbruk for næring.