Varsel om oppstart av detaljreguleringsplan for Rudsviki hybrid 
solkraftverk, gbnr. 105/1

I samsvar med plan- og bygningslova § 12-8 vert det varsla oppstart av planarbeid for Detaljreguleringsplan for Rudsviki hybrid solkraftverk, g/bnr. 105/1 i Sogndal kommune. Nasjonal arealplan-ID: 4640_2026004.

Føremål med planarbeidet

Føremålet med planarbeidet er å leggje til rette for eit bakkemontert solkraftverk i Rudsviki, 
knytt til det eksisterande småkraftverket Rud 1, med mogleg framtidig batterilager.

Planarbeidet skal regulere arealet til LSN spreidd næring. Planområdet er på om lag 29 daa og
ligg på nordsida av Sognefjorden, om lag 3 km frå Kaupanger.

Forslagsstillar og plankonsulent

Forslagsstillar er Kaupanger Energi AS. Planarbeidet vert utarbeidd av Stakeholder AS og Knaken.

Tilhøve til gjeldande og overordna planar

Planområdet er i gjeldande kommuneplan avsett til LNRF. I framlegg til ny kommuneplan for Sogndal er eit mindre område avsett til LSN (landbruk, spreidd næring/bustad). Det er ingen gjeldande reguleringsplan for området.

Planarbeidet er i tråd med overordna planverk. Tiltaket støttar opp om statlege planretningslinjer for klima og energi, som mellom anna legg til rette for auka utbygging av fornybar energi og arealbruk som reduserer klimagassutslepp. Tiltaket er òg i samsvar med Regional plan for fornybar energi 2023–2035 for Vestland fylkeskommune, som legg til rette for auka produksjon av fornybar energi og bakkemontert solkraft. Sentrale tema som skal utgreiast i planarbeidet er mellom anna tiltak i strandsona jf. pbl. § 1-8, tilhøve til kulturminne, naturmangfald og risiko og sårbarheit. Sjå oppstartsmøtereferatet for fleire detaljar om kva som skal undersøkast i planarbeidet.

Konsekvensutgreiing

Det er vurdert at planarbeidet ikkje fell under pbl. § 4-1 eller verkeområde for forskrift om konsekvensutgreiing.

Vidare saksgang

Etter at merknadar er mottekne frå innbyggjarar, myndigheiter, organisasjonar og andre vil plankonsulent vurdere merknadane. Deretter vil det bli utarbeidd eit konkret planforslag.

Planforslaget vil bli politisk handsama i utval for plan og samfunn, og deretter lagt ut på høyring. Alle som er del av planområdet eller naboar til planområdet vil få brev når planforslaget er på høyring. Det er viktig at alle som har merknadar til planarbeidet sender desse så tidleg som mogleg. Om du har tankar om kva som skal takast omsyn til, bør du sende det som merknad allereie no.

Innspel til planarbeidet

Spørsmål og innspel til planarbeidet kan rettast til:
Fagkyndig plankonsulent:
Stakeholder AS v/ Marius Knagenhjelm
E-post: marius@stakeholder.no
Knaken v/ Christoffer Knagenhjelm
E-post: post@knaken.no

Spørsmål om planprosess kan rettast til:
Sakshandsamar og arealplanleggjar i Sogndal kommune: Arman Wedøe
Tlf: 48 12 63 67
E-post: arman.wedoe@sogndal.kommune.no

Vi ber om at innspel vert sendt skriftleg innan 10. september 2026.

Gje innspel på skjema: Høyringsuttale (KF-239-FK) Lenke til et annet nettsted.
Du kan og senda uttalen på e-post til postmottak@sogndal.kommune.no

Plandokument

Alle dokument er tilgjengelege på arealplaner.no Lenke til et annet nettsted..