Tilskot i jordbruket
Produksjons- og avløysartilskot
Kven kan søke om produksjons- og avløysartilskot?
Føretak som driv vanleg jordbruksproduksjon kan søkja om produksjons- og avløyartilskot, t.d. arealtilskot, tilskot til husdyr, tilskot til frukt, bær og grønnsakar m.m. Føremålet er å bidra til eit aktivt og berekraftig jordbruk.
Føretaket må vera registrert i einingsregisteret i Brønnøysund innan søknadsfristen og driva vanleg jordbruksproduksjon på ein eller fleire eigedommar.
Manglande eller mangelfull gjødslingsplan og/eller sprøytejournal kan føra til avkorting av produksjonstilskotet.
Slik søkjer du
Søk om produksjons- og avløysartilskot via Altinn Lenke til et annet nettsted.
Søknadsfristar, teljedato og utbetalingsdato
Søknad om produksjons- og avløysartilskot har to søknadsfristar i året:
- 15. mars ( med teljedato 1. mars) gjeld kun for føretak med husdyrproduksjon
- 15. oktober (med teljedato 1. oktober) gjeld alle føretak som søkjer produksjonstilskot
Tilskota vil bli utbetalte i februar året etter at du har søkt.
Har du spørsmål?
Kontaktperson
Olav Øyrehagen
RMP - Regionalt miljøprogram
Regionalt miljøprogram skal stimulera til å ta vare på og utvikla kulturlandskapet. Tilskota i mjiløprogrammet er til liks med produksjonstilskotet ei årleg driftstøtte, til føretak i drift som oppfyller satsingane og prioriteringane sette av Statsforvaltaren i Vestland med tilhøyrande forskrift. For å kunne søkja RMP må føretaket ditt og kunne søkje om produksjonstilskot.
Søknadsfrist
15.oktober
Silk søkjer du
Søk om regionalt miljøprogram via Altinn Lenke til et annet nettsted.
Har du spørsmål?
Kontaktperson
Olav Øyrehagen
SMIL - Spesielle miljøtiltak i jordbruket
Kven kan søkja SMIL- midlar?
- Føretak som oppfyller vilkår i forskrift om produksjons- og avløysartilskot.
- Eigar av landbrukseigedom som kan søkja, dersom det er ein produksjon på landbrukseigedommen som oppfyller vilkåra i forskrift om produksjons- og avløysartilskot.
Søknaden skal som eit miniumin innehalda
- Omtale av tiltaket
- Framdriftsplan
- Kostnadsoverslag
- Finansieringsplan
- Kart over driftseininga der det aktuelle tiltaket, kulturminne, erosjonsutsatte areal og område med viktige miljøkvalitetar er avmerkt.
- Fotografi og/eller tekningar
- Løyve frå grunneigar dersom tiltaket skjer på leigd landbruksareal.
- Gjødslingsplan og sprøytejournal om plantevern vert nytta
Slik søkjer du
Søk om SMIL-tilskot via Altinn Lenke til et annet nettsted.
Søknadsfrist
- april
Tiltaksstrategien legg føringar for kva SMIL-midlane skal gå til
Føremålet med SMIL-midlane er å fremja natur- og kulturminneverdiar i kulturlandskapet, og redusera ureining frå jordbruket utanom det ein kan forventa gjennom vanleg jordbruksdrift.
Har du spørsmål?
Retningslinjer SMIL 2025-26 pdf, 445 kB.
Kontaktperson
Olav Øyrehagen
Tilskot til drenering av jordbruksjord
Tilskot til drenering har som føremål å betra kvaliteten på tidlegare grøfta jordbruksareal for å auka produktiviteten, samt å redusera risiko for erosjon og overflateavrenning til vassdrag. Føretak som leiger tidligare grøfta jordbruksareal eller eigar av tidligare grøfta jordbruksareal kan søkja.
Søknadsfrist
Du kan søkja heile året.
Slik søker du
Søk om tilskot til drenering via Altinn Lenke til et annet nettsted.
Har du spørsmål?
Kontaktperson
Olav Øyrehagen
Tilskot til tiltak i beiteområde
Kven kan søkja om tilskot til tiltak i beiteområde?
Lag, foreiningar og føretak som driv næringsmessig beitedrift kan få støtte til investeringstiltak og/eller planleggings- og tilretteleggingsprosjekt i beiteområde. Føremålet med tilskotet er å leggja til rette for best mogleg utnytting av utmarksbeite, fremja fellestiltak i beiteområda og redusera tap av dyr på utmarksbeite.
Søknadsfrist
15. april
Slik søker du
Beitelag sender søknad til kommunen. Søknadsskjema leverer du elektronisk gjennom Altinn
Søk om tilskot til tiltak i beiteområde via Altinn Lenke til et annet nettsted.
Har du spørsmål?
Kontaktperson
Olav Øyrehagen
Organisert beitebruk
Tilskot til organisert beitebruk skal fungera stimulerande til samarbeidstiltak for å få ein effektiv beitebruk som bidreg til å halda kulturlandskapet ope. Driftstilskotet kan gjevast til drift av godkjent beitelag som arbeider for felles beitebruk i utmark og redusert tap gjennom organisert tilsyn, sanking og andre fellestiltak.
Søknadsfrist
15. november
Slik søker du
Søk om tilskot til organisert beitebruk via Altinn Lenke til et annet nettsted.
Har du spørsmål?
Kontaktperson
Olav Øyrehagen
Tilskot til avløysning ved sjukdom og fødsel med meir
Kven kan søkja om tilskot til avløysing ved sjukdom og fødsel med meir?
Føretak som driv husdyrproduksjon, planteproduksjon på friland, produksjon i veksthus eller honningproduksjon, kan søkja om tilskot til avløysing dersom jordbrukaren blir sjuk, skal ha eller har fått barn eller har sjukt barn. Privatpersonar som er etterlaten ektefelle, sambuar, foreldre eller barn til avdød jordbrukar kan søkja om tilskot til avløysing for inntil 8 veker etter dødsfallet.
Søknadsfrist
Søknadsfristen er eit år etter siste dag i perioden du søker tilskot for.
Slik søker du
Søk om tilskot til avløysing via Altinn Lenke til et annet nettsted.
Har du spørsmål?
Kontaktperson
Olav Øyrehagen
Erstatning ved avlingssvikt
Kven kan søkje om erstatning ved avlingssvikt?
Jordbruksføretak som har hatt vesentleg avlingssvikt kan søkja om erstatning. Avlingssvikten må ha ei klimatisk årsak som det ikkje er mogleg å sikra seg mot. Erstatning føreset at det er godt dokumentert at det er ein klimatisk skade som er årsak til avlingssvikten. Føretaket må melda tidleg frå til kommunen om mogleg avlingssvikt, slik at kommunen har høve til å kontrollera arealet på eit tidspunkt der klimaskaden kan påvisast.
Slik søkjer du
Søk om erstatning via Altinn Lenke til et annet nettsted.
Søknadsfrist
31. oktober, og denne fristen er absolutt.
Har du spørsmål?
Kontaktperson
Olav Øyrehagen
Utvalde kulturlandskap (UKL) - Grinde og Engjasete
Grinde og Engjasete
Grinde - Engjasete har ei svært interessant kulturhistorie med tradisjonelle driftsformar som enno vert praktisert på fleire av bruka.
Dei typiske fjordgardane her har vore basert på alt frå fiske i fjorden til utmarkshausting i fjellet, men området er først og fremst prega av ein lang og ubroten tradisjon knytt til lauving. Her er hagemarker med bjørk eller ask, lauvenger med ask, alm, bjørk eller selje og haustingsskogar med alm eller ask. På trea finn ein interessante artssamfunn av sopp, lav og mose. Lauvsankinga går tilbake til yngre steinalder. Gravrøyser fortel om landbruksaktivitet sidan eldre bronsealder, og truleg fast busetnad kring 500 år f.Kr. Her er verdifulle bygningsmiljø frå 1800-talet. Området er rikt på steingardar, bakkemurar, rydningsrøyser og gamle vegfár. Dei gamle kulturmarkene og kulturminna ligg i ein mosaikk med meir moderne produksjonsareal for frukt, eng og beite.
Forvaltningsplan for Grinde – Engjasete 2009 – 2029 (PDF, 2MB) pdf, 2 MB, åpnes i nytt vindu.
Kven kan søkja på tilskot til utvalde kulturlandskap?
Føretak som driv aktiv jordbruknæring i området Grinde og Engjasete i Leikanger.
Kart over Grinde og Engjasete Lenke til et annet nettsted.
Slik søkjer du
Søk om tilskot til UKL på nettsida til Landbruksdirektoratet Lenke til et annet nettsted.
Søknadsfrist
- 15. april - enkelttiltak
- 29. oktober - årleg skjøtsel
Har du spørsmål?
Ta kontakt med kommunen
Kontaktpersonar
Olav Øyrehagen
BU-mildar - Innovasjon Norge
Midlar til investering og bedriftsutvikling i landbruket. Tilskot/lån til finansiering i samband med investering innan tradisjonlet landbruk, generasjonsskifte, kjøp av eigedom og tilleggsareal.
Les meir om tilskotsordningane på nettsidene til Innovasjon Norge Lenke til et annet nettsted.
Sist oppdatert