Vedtak i plan- og samfunnsutvalet 24.04.2024
 

«Plan- og samfunnsutvalet legg framlegg til detaljreguleringsplan for Festingdalsvegen til høyring og offentleg ettersyn i samsvar med plan og bygningslova (pbl.) § 12-10 med fylgjande dokument:

• Plankart dagsett 03.10.2023

• Føresegn dagsett 05.10.2023

Som føresetnad for det vidare planarbeidet rår me at følgjande punkt vert greia ut:

1. Gjere greie for korleis dei ulike alternativa påverker arealbeslaget i område og vurdere eventuelle avbøtande tiltak.

2. Greie ut løysningar som sikrar best mogleg kopling for stisykling der ny vegtrase kryssar eksisterande sykkelstiar

3. Greie ut utfartsparkeringar for friluftsliv. Det skal greiast ut konkrete løysningar som sikrar både det generelle friluftslivet og parkering for syklistar.

4. Vurdere bruk av føremåla og feltnummerrering som ligg i planframlegget.

Grunngjeving for vedtaket:

Det vert konkludert med at reguleringsplanen er tilstrekkeleg utgreidd for å sendast på høyring med enkelte premiss for vidare arbeid.»

 

Kort om planen

Norconsult AS har utarbeida reguleringsplanen på vegne av SIMAS IKS. Planområdet er lokalisert på Kaupanger, opp Svartaholsbakkane og over til SIMAS IKS sin miljøstasjon Festingdalen. Bakgrunnen for planarbeidet er at SIMAS ynskjer å byggje ny veg som skal delvis erstatte dagens veg grunna utfordringar med utforming på denne. Planen regulera areal til veg, anna veggrunn, parkeringsplassar og eit sykkelanlegg i undergang. Det er og regulert landbruksareal og mellombels bygge- og anleggsområde.

 

Planen dekka eit stort areal og har fire sider med plankart. Du finn heile plankartet i den politiske saka. Utsnitt av den ene siden av plankartet:

 

Innsyn i plandokumenta

Alle dokument finn du i den politiske saka, trykk vidare på detaljreguleringsplan for Festingdalsvegen, vel vedlegg og vel dokumentet du vil sjå. I hovuddokument (saksutgreiing) kan du lese kommunen si vurdering av saka. I saksprotokoll finn du sjølve vedtaket. Det er berre føresegner og plankart som vert juridisk bindande i ein reguleringsplan, og dette er difor dei viktigaste dokumenta. Illustrasjon er berre eit eksempel på korleis ein kan utvikle området.  

Plankart med føresegner og planomtale kan skrivast ut eller sjåast på kommunehuset i Sogndal, Gravensteinsgata 17. Opningstida 10:00-14:00. Dersom de ønskjer ein kopi av dokumenta, kan de kontakte tenestetorget på tlf. 57 62 96 00. 

 

Merknadar

Du kan no sende inn merknad til planen. Merknadsfrist er sett til 20.06.2024. Alle merknadar skal sendast skriftleg til postmottak@sogndal.kommune.no eller med brev til Sogndal kommune, postboks 153, 6851 Sogndal. 

Etter høyringsperioden vil me sende merknadar til tiltakshavar for vurdering og eventuelt revidere planen. Alle merknadar vil vere vedlagt saka når politikarane handsamar planen neste gong. Du vil sjå tiltakshavars og planavdelinga si vurdering av di merknad i den politiske saka når planen vert lagt fram for vedtak i kommunestyret. 

 

Har du spørsmål? 
Spørsmål kan rettast til:

Arealplanleggjar i Sogndal kommune:
Linnea Hellstrøm, linnea.hellstrom@sogndal.kommune.no 

Tlf. 468 82 975