Vedtekter SFO

Vedtekta er gjeldande for alle skulefritidsordningane i Sogndal kommune. Skulefritidsordninga, heretter SFO, skal leggje til rette for leik, kultur- og fritidsaktivitetar med utgangspunkt i alder, funksjonsnivå og interesser hjå borna, og gje borna omsorg og tilsyn. SFO er open før og etter skuletid for born i 1.–4. klasse, og for born med særskilde behov i 5.–7. klasse.

Skulefritidsordninga skal gje borna omsorg og tilsyn. Barn med særskilde behov skal givast gode utviklingsvilkår. Dette skal skje i nær forståing og samarbeid med heimen, og i samsvar med skulen sitt føremål. Areala både ute og inne, skal vere eigna for formålet jf. opplæringslova § 13-7. Skulefritidsordninga skal drivast i samsvar med sentrale og kommunale vedtak, kvalitetsplan for SFO og plan for den einskilde eining.