Kart og reguleringsplanar

Berekningsgrunnlag 
Grunngebyret vert rekna etter storleik på planområdet pluss bruksarealet for bebyggelsen planen opnar for (sjå tabell under). Sjølv om areala vert redusert ved den politiske handsaminga vert gebyrgrunnlaget ikkje endra.
Alle areal som skal nyttast for å utføre tiltaket, tene tiltaket eller som vert påverka av tiltaket inngår i arealberekninga. Areal som berre vert tekne med for å sikre heilskapen, vert haldne utanfor. Sjøareal vert berre rekna med for den delen som skal nyttast til tiltak i sjø.

Gebyr vert rekna etter bruksareal for ny og for eksisterande bebyggelse som skal bli ståande. I dei tilfella der reguleringa opprettheld bruksformålet for eksisterande bebyggelse vert det ikkje berekna gebyr av denne. Det skal reknast gebyr for bruksareal som ligg både over og under terreng.

I sone med særlig omsyn til kulturmiljø inngår berre bruksarealet for eventuell ny bebyggelse (ikkje eksisterande).

Betalingsplikt mv.
Alle som får utført tenester etter dette regulativet, skal betale gebyr. I tillegg til gebyr krev Plan og forvaltning inn tinglysingsgebyr og eventuelt dokumentavgift i saker der kommunen må forskottere dette overfor Tinglysinga i Kartverket.

Vi forheld oss til éin tiltakshavar/framleggsstillar/rekvirent. Faktura vert send den som sender inn søknad/rekvisisjon med mindre anna er spesifisert eller avtalt særskilt. Ved fleire tiltakshavarar/ framleggsstillarar/tingarar vert desse rekna som solidarisk ansvarlege for gebyret.

Dersom ein kunde har betalt for mykje i gebyr, skal kommunen så snart tilhøvet er klarlagt, tilbakebetala for mykje betalt gebyr. Det kan ikkje krevjast rentetillegg for for mykje betalt gebyr. Det er føresett at faktura vert betalt innan fristen for å unngå meirarbeid. Kommunen skal halde att kunngjering av vedtak til gebyr er betalt.

Dersom gebyret etter utrekningsreglane vert mindre enn 1M skal gebyret likevel ikkje setjast under 1M. For handsaming av tiltak som ikkje er spesielt nemnt i dette reglementet, skal det betalast etter medgått tid, minimum 1 M.

Tidsfristar, bereknings- og betalingstidspunkt
Gebyr vert rekna etter dei satsane som gjeld på det tidspunktet komplett søknad, planframlegg, rekvisisjon eller bestilling kjem inn til kommunen.

Plansaker
Kommunen må handsame eit privat framlegg til detaljregulering innan 12 veker etter at framlegget har kome inn til kommunen. Ved overskriding av fristen skal gebyret reduserast med 10 % av det totale gebyret for kvar påbegynt veke over fristen i inntil 10 veker.

Tidsfristar løper frå det tidspunktet kommunen har motteke eit framlegg til detaljregulering. Framlegg som openbert er mangelfulle kan administrasjonen returnere til framleggstillar for supplering. I slike tilfelle vert fristen avbroten frå datoen kommunen returnerer planframlegget til det tidspunkt kommunen har motteke det etterspurde materialet.

I saker om refusjon etter plan- og bygningslova kap. 18 vert det gjort ei gebyravrekning på grunnlag av godkjenning av planar etter § 18-8. Restbetaling må vere føreteke før det kan fattast vedtak om endelig fastsetting av refusjon, jf. § 18-9.

I plansaker vert gebyret fakturert når planframlegget er komplett motteke av kommunen. Vedtak om høyring og offentleg ettersyn av eit planframlegg vert ikkje kunngjort før gebyret er betalt. 

Byggesaker
For byggesaker i to trinn vert 70 % fakturert ved handsaming av rammesøknad og 30 % ved handsaming av igangsettingssøknad. 

Gebyret forfell til betaling 30 dagar etter fakturadato. 

Frikjøp frå parkeringskrav skal vere innbetalt kommunen før bygning vert teken i bruk.

Frikjøp frå krav om felles uteopphaldsareal i sentrum, jf. KPA 1-6 c), der dette er avtalt gjennom utbyggingsavtale, skal vere innbetalt før bustader vert tekne i bruk.

Oppmålingssaker
Når rekvisisjon for oppmålingsforretning er motteke og det ikkje er avtalt noko anna med rekvirenten, skal kommunen gjennomføre oppmålingsforretning og fullføre matrikkelføring innan 16 veker (jf. matrikkelforskriften § 18 1.ledd). Sogndal kommune har vinterfreding for perioden oktober-mars. Dersom kommunen overskrid fristen, skal gebyret for oppmålingsforretning og matrikkelføring avkortast med ein tredjedel. Dersom kommunen overskrid fristen med ytterlegare to månader, skal gebyret avkortast med ytterlegare en tredjedel (jf. matrikkelforskriften § 18 4. ledd).

Kommunen skal matrikkelføre samanslåing, avtale om eksisterande grenser, samla fast eigedom og sak for jordskifteretten og andre rettsinstansar innan seks veker. Krav om retting, endring eller tilføying av opplysningar i matrikkelen mv. som ikkje krev oppmålingsforretning, skal vere handsama og eventuelt ført i matrikkelen, innan same frist (jf. matrikkelforskriften § 19 1. ledd). Kommunen skal føre opplysningar om framsett krav om sak for jordskifteretten straks melding til kommunen er motteken. Tilsvarande gjeld melding til kommunen om avtale eller vedtak om erverv av grunn til offentleg veg eller jernbane (§ 19 2. ledd). Dersom kommunen overskrid fristen, skal eventuelt gebyr for matrikkelføring avkortast med en tredjedel (§ 19 3.ledd).

Avbrote arbeid, trekt sak
Dersom søkar/framleggsstillar/rekvirent ønskjer å trekke saka før ho er ferdighandsama, vert gebyret fakturert ut frå kor langt i prosessen saka er komen. Det same gjeld dersom ein søknad er av ein slik kvalitet at kommunen ikkje har grunnlag for å handsame han.

Dersom eit planframlegg vert trekt når saka er ferdig førebudd for første handsaming, vert 70 % av gebyret fakturert. Ønsker framleggsstillar å trekke planframlegget tidlegare i prosessen, vert gebyret fakturert skjønnsmessig (frå 10-70 %) ut frå kor langt i prosessen saka er komen. Prosesstart vert rekna frå tidspunkt for oppstartsmøte/planinitiativ er motteke.

Tilsvarande gjeld for søknad om oppretting av ny grunneigedom. Det vert fakturert 70 % av gebyr når vedtak er ferdig førebudd for handsaming. For delingssøknader som vert trekte etter at løyve er gitt, vert heile gebyret fakturert.

For byggesøknader som vert trekte etter at rammeløyve er gitt, men før igangsettingsløyve er gitt, vert gebyret sett til 70 %. Når ein tiltakshavar/rekvirent forårsakar at kommunen sitt arbeid må avbrytast eller avsluttast før det er fullført, skal det betalast ein del av tilhøyrande gebyr som svarar til det arbeidet kommunen har hatt og/eller må utføre.

For refusjonssak som vert avbroten før vedtak etter plan- og bygningsloven § 18-8 er treft, vert gebyr fakturert etter den tid som er gått med, sjå pkt. 1.8, minimum 10 M.
For oppmålingssak som vert trekt før ho er fullført, må avvisast, ikkje let seg matrikkelføre eller av andre grunner ikkje kan fullførast, vert gebyr rekna for utført arbeid etter medgått tid (sjå pkt. 1.8).

Sakkunnig bistand
Kommunen kan engasjere sakkunnig hjelp for spesifiserte utgreiings-, tilsyns- eller kontrolloppgåver. Til dekking av utgiftene kan det krevjast gebyr tilsvarande medgåtte utgifter.

I saker kor det i samband med tilsyn vert oppdaga betydelege feil eller manglar kan kommunen krevje at tiltakshavar dekker ekstrakostnadar knytte til tilsynet, sjå pbl. § 25-2 andre ledd. Storleiken på gebyret er avhengig av feil og manglar som vert avdekka, og omfanget av kommunen sitt etterfølgjande arbeid, men avgrensa oppover til 12 M.

Rådgjeving
Ved alle typar førespurnader i pågåande enkeltsaker frå tiltakshavar eller på vegner av tiltakshavar som medfører rådgjeving frå kommunen, vert det lagt til gebyr etter medgått tid for kvar påbyrja time (sjå pkt. 1.8).

Reduksjon av gebyr

Rimelegheit
Kommunedirektøren kan redusere gebyr som vert vurdert openbert urimeleg. Søknad om nedsetting av gebyr utset ikkje betalingsfristen.
Gebyr etter eigarseksjonslova kan ikkje setjast ned.

Søknad om redusert gebyr og klagerett
Det er ikkje klagerett på gebyrfastsettinga i den einskilde sak der gebyret er heimla i plan- og bygningslova § 33-1. Tiltakshavar/framleggsstillar har likevel høve til å søke om nedsetting av gebyr under tilvising til punkt 1-4. Rådmannen si avgjerd etter ein slik søknad kan klagast på etter reglane i forvaltningslova.

Gebyr som er heimla i lov om eigedomsregistrering (matrikkellova) kan klagast på etter reglane i forvaltningslova, jf. matrikkelloven § 46, 1. ledd bokstav k). Gebyr etter eigarseksjonslova kan ikkje setjast ned.

Forhold som kan redusere byggesaksgebyret
Byggesaksgebyret under punkt 3.2 og 3.3 vert redusert med 10 % for 4 eller fleire identiske søknader (kvantumsrabatt) som vert sende inn samstundes.

Grønt gebyr:
Byggesaksgebyret vert redusert 30 % for tiltak som oppfyller kriteria for passivhusnivå i høve Norsk Standard 3700 for Bustad og 3701 for yrkesbygg. Byggesaksgebyret vert redusert 50 % for tiltak som kan vise til at det vil vere eit 0-utsleppshus eller plusshus. Det vil seie bygningar som i tillegg til å vere eit passivhus produserer eigen energi som dekker livsløpet og produksjon av bygget.

Byggesaksgebyret vert redusert 50 % for handsaming av søknad som omfattar etterisolering av bygg oppførte før 1980, dersom det kan dokumenterast at tiltaket vert utført som anvist av kvalifisert rådgjevar.

Byggesaksgebyret vert fråfalle i sin heilskap for dei tiltaka som er støtta av Enova, samt for eventuell søknad om solcellepanel og varmepumpe.

e-Byggesøknad.
Søknad levert via digitale tenester for privatpersonar får redusert gebyret tilsvarande pris for bruk av tenesta, for tida kr 1250.

Gebyr etter medgått tid
For gebyr berekna etter medgått tid vert fakturert per time. Minimumsbeløp er 1M.

Gebyr for oppfølging av lovbrot
For oppfølging av lovbrot i medhald av plan- og bygningslova kapittel 32 skal det for eventuelt meirarbeid utover gebyr i høve satsane i dette regulativet betalast gebyr etter medgått tid. Der det er føremålstenleg for kommunen kan det alternativt fakturerast dobbel gebyrsats. Gebyr for meirarbeid vert fakturert ved handsaming av søknad.

Lovbrotsgebyr
Plan- og bygningslova gir i § 32-8 heimel for å ileggje lovbrotsgebyr til ansvarleg for brot på plan- og bygningslovgivinga.