Kulturpris Sogndal kommune
Kvart år deler Sogndal kommune ut ein kulturpris. Kulturprisen skal vera ein honnør og påskjønna arbeid for verdifull og framifrå innsats innan det profesjonelle og frivillige kulturfeltet.
Prisen kan delast ut til einskildpersonar, lag og organisasjonar eller institusjonar. Prisen skal stimulera til vidare innsats og skal synleggjera innsats som har eller vil gagna Sogndal-samfunnet.
Utval for levekår er jury som skal vurdera innkomne kandidatar til prisen og avgjera tildelinga. Prisen vert lyst ut i dagspressa og sosiale media. Nominasjon av kandidatar må vera grunngjeven.
Framlegg til kandidatar skal vera innkomne til utvalet innan 12. november. Prisen vert overrekt av ordførar på siste kommunestyremøte kvart år.
Vedtekter for Sogndal kommune sin kulturpris pdf, 89 kB, åpnes i nytt vindu.
Framlegg til kandidatar skal sendast postmottak@sogndal.kommune.no.
Vinnarar av kulturprisen
2025: Louise Tveito, musikalartist og drivkrafta bak musikalprosjektet «Showtime». Sidan 2017 har ho produsert over 30 framsyningar – med energifylte, fullsette hus og opplevingar barn hugsar for livet.
2024: Marianne Hoff, kinosjef ved Friberg kino i Balestrand, med store engasjement i det friviljuge kulturfeltet i kommunen. Gjennom arbeid i kunstlag og galleri har ho opna dører for nye kunstuttrykk og skapt møteplassar mellom kunst og publikum. Ho har engasjementet for å få ungdom til å utforske og skape kunst.
2023: Roar Werner Vangsnes, styremedlem i opplev Leikanger, pådrivar for Fruktbare dagar, medgrunnleggar og motor for Kjeringi Open og revysjef for Palmerevyen.
2022: Terje Vatlestad, pådrivar og kulturberar i Sogndal kommune gjennom ein mannsalder, mellom anna gjennom Sogndal storband.
2021: Sognametalbandet Vreid, med Sture Dingsøyr, Stian Bakketeig, Jarle Kvåle og Jørn Holen
2020: Geir Hjetland, kunstnar og skulptør
Prismottakar i dei tidlegare kommunane
Kommunane Leikanger, Balestrand og Sogndal vart slått saman til Sogndal kommune 01.01.2020. Her finn du oversyn over prismottakarane i dei tre gamle kommunane før samanslåinga:
Mottakarar av Leikangerprisen (pdf) pdf, 109 kB, åpnes i nytt vindu.
Mottakarar av Balestrandsprisen (pdf) pdf, 180 kB, åpnes i nytt vindu.
Mottakarar av kulturprisen i gamle Sogndal kommune (pdf) pdf, 251 kB, åpnes i nytt vindu.
Sist oppdatert