Hopp til innholdet

Spelemidlar til anlegg for idrett og fysisk aktivitet

Spelemidlane er ei statleg tilskotsordning til bygging av anlegg for idrett, friluftsliv og fysisk aktivitet. Midlane skal bidra til infrastruktur som gjev befolkninga anledning til å drive fysisk aktivitet, både i regi av den frivillige medlemsbaserte idretten og gjennom eigenorganisert aktivitet.

Den viktigaste målgruppa for bruk av spelemidlar til idrettsformål er born (6-12 år) og ungdom (13-19 år). I tillegg vil staten legge til rette for at personar med nedsett funksjonsevne skal kunne delta i idrett og fysisk aktivitet ut i frå eigne ynskjer og føresetnader.  

Dersom du har spørsmål eller ønskjer å søke – ta kontakt!

  • Eigaren av anlegget.
  • Kommunar og fylkeskommunar.
  • Samanslutningar under NJFF, DFS og Norges bilsportforbund.
  • Lag og foreiningar registrert i frivilligheitsregisteret (unntak hyttevelforeiningar).
  • Grupper organisert under Friluftsrådenes landsforbund, Norsk friluftsliv, Den Norske turistforening, Norsk kennelklubb og Norsk organisasjon for terrengsykling.
  • Aksjeselskap, andelslag eller andre samvirke som oppfyller krava til organisasjonsform. Vedtekter må leggjast ved søknaden. Det skal vere vedtektsfesta at det ikkje vert tatt utbyte til private eigarar. 

  • Bygging og rehabilitering av idrettsanlegg, friluftslivsanlegg og nærmiljøanlegg som er open for allmenn idrettsleg verksemd eller eigenorganisert aktivitet, som ikkje er underlagt kommersielle interesser.
  • Kjøp og innreiing/ ombygging av eksisterande anlegg.
  • Universell utforming av tidlegare oppførte anlegg.

Spelemiddelsøknader vert delt i to hovudgrupper; ordinære anlegg og nærmiljøanlegg.

Ordinære anlegg

Hovudregelen er at det vert utrekna eit tilskot på inntil 1/3 av godkjent kostnad, ut i frå satsar for den enkelte anleggstype. Nedre grense for søknadsrettkomne kostnader er kr 150 000, og då med eit tilskot på kr 50 000. 

Nærmiljøanlegg

Hovudregelen er at det vert utrekna eit tilskot på inntil 50 % av godkjent kostnad. Tilskot er avgrensa til kr 300 000 pr. anleg/element. Nedre grense for søknadsrettkomne kostnader er kr 50 000, og då med eit tilskot på kr 25 000. 

  • Finansieringsplan med dokumentasjon av finansieringspostane t.d.
    - Lånetilsegn
    - Tilsegn om tilskot
    - Eigenkapital
    - Anna offentleg støtte
    - Dugnadsverdi
    • Dugnadsverdi skal dokumenterast i form av tilbod frå entreprenør som viser kor mykje det hadde kosta å betale nokon for å gjere jobben
  • Målsette teikningar
    - Som dokumenterer at anlegget er innafor krava i spelemiddelbestemmelsane.
  • Rett til bruk av grunn (skal ha heimel i eit av følgande tilhøve):
    - Tinglyst eigedomsrett
    - Tinglyst feste-/leigerett på minimum 30 års lengd (10 år for nærmiljøanlegg)
    - Avtale på minimum 30 års lengd for anlegg på kommunal, fylkeskommunal eller statleg grunn. 
    - Avtale på minimum 20 års lengd med grunneigarar om bruk av grunn for turvegar til ordinært anlegg. For turvegar, skiløyper og turstiar skal rett til bruk av grunn for nærmiljøanlegg ha heimel i avtale på minimum 10 års lengd, med automatisk fornying for 10 år om gongen, om ingen av partane seier opp avtalen innan eit år før avtaletida går ut. 

Første utbetaling kan ein be om etter at søkar har fått tilsegn om tilskot. Inntil 75 % av tilsegnssummen blir då utbetalt. Sluttutbetaling av resterande 25 % skjer etter at sluttrekneskapen er godkjend.

Kva skal sluttrekneskapen innehalde?

Ta kontakt dersom du har spørsmål kring dette!

  • 17. oktober: Frist for innsending av spelemiddelsøknad til kommunen.
  • 15. januar: Frist for samla oversending av spelemiddelsøknader frå kommune til fylkeskommnunen.
  • Mai: Kulturdepertamentet legg ramma til fordeling.
  • 15. juni: Fylkeskommunen innstiller søknadane.
  • 15. juni: Nytt søknadsår. Søknadsportalen vert opna.

Sist oppdatert

Fann du det du var på jakt etter?