Ein sommar som gir meining; sommarjobb i helse og omsorg i Sogndal kommune

Kvart år tek me imot mange sommarvikarar i tenestene våre. Mange er helsefag- eller sjukepleiarstudentar, andre er i starten av studieløpet eller nysgjerrige på om helse og omsorg kan vere rett veg vidare. Felles for dei fleste er ønsket om ein sommarjobb som gir meir enn berre timar på CV’en. 

Kva kan du jobbe med? 
Som sommarvikar hjå oss kan du jobbe innan fleire delar av helse og omsorg, til dømes:
- Sjukeheim
- Heimeteneste
- Bu- og miljøtenester
- Psykisk helse og rus 
- Legekontor 

Du blir ein del av eit lag, jobbar tett på folk og får oppgåver som gir innsikt i både fag og kvardag i tenestene. Me sørgjer for opplæring, både felles og på arbeidsplassen, slik at du kjenner deg trygg i rolla. 

Verdifull erfaring å ta med seg vidare 
Ein sommarjobb i helse og omsorg gir erfaring som er direkte relevant for vidare studium og yrkesliv. 

Du får jobbe med menneske, samarbeid, ansvar og faglege vurderingar i praksis. Mange av dei som har vore sommarvikarar hos oss kjem attende seinare som tilkallingsvikarar, studentar i praksis eller faste tilsette. 

Dette er erfaring som tel, både i studieløpet og vidare i arbeidslivet.

Livet utanom jobb
Ein sommar i Sogndal handlar ikkje berre om jobb. Her har du fjord og fjell tett på, med moglegheiter for toppturar, bading, sykling, padling eller rolege kveldar nede ved fjorden. Sogndal er òg ein studentkommune med liv, aktivitetar og møteplassar gjennom sommaren.