Tidsrom for arbeidet
- Planlagd oppstart: Første del av arbeida som inneber grøfterensk og stikkrenner er planlagde utført i juni – juli 2026. Sjølve rehabiliteringa av vegbana er planlagd starta i august 2026.
- Stadleg skilting og informasjon vil komma nærare oppstart. Det vil og bli lagt ut informasjon på nettsida til kommunen om periodar for stenging.
- Venta ferdigstilling: Arbeida er planlagde ferdigstilt seinhaust 2026.
Tidspunkt kan bli justert ved behov, avhengig av vêrforhold eller andre uventa hendingar.
Arbeida vil mellom anna omfatta
- Aktuell strekning er ca. 900 meter i lengd og har ein gjennomsnittsbreidd på ca. 3,5 – 4 meter.
- Arbeidet som skal utførast er djupstabilisering av vegen, etablering av tydelegare grøfter, grøfterensk og byting av nokre stikkrenner. Hovudentreprenør som skal utføra jobben skal djupstabilisera veggrunnen og delvis tilføra nye vegmassar på utsette strekningar. Asfaltering kan tidlegast skje ca. 7 veker etter at vegen er ferdigstilt med djupstabilisering.
- Første del av arbeida kan bli nødvendig å gjera på nattestid på grunn av logistikk og trafikkavvikling. Det kan bety nattestøy i periodar.
Konsekvensar for trafikantar og bebuarar
I anleggsperioden må det påreknas:
- Redusert fart
- Kortvarige periodar med stengd veg på inntil 2 -3 timer. Dette vil bli varsla nærare når entreprenør veit nøyaktig tidsrom.
- Blålysetatar vil sleppa forbi ved nødhendingar.
Me vil ønskja å gjennomføra arbeidet slik at det skaper minst mogleg ulempe for bebuarar og gjennomgangstrafikk, men trafikantane må belaga seg på at det kan bli utfordrande i periodar.
Støy og arbeidstid
Arbeidet vil normalt halda fram i tidsrommet: 07:00–19:00 på kvardagar. Avvik kan førekomma.
Noko støy og støv må påreknast.
Kontaktinformasjon
Dersom du har spørsmål knytte til arbeidet, kan du kontakta:
Ingebrigt Mogaard
Avdelingsleiar veg og park
Sogndal kommune.
Ørjan Hagen
Sakshandsamar veg og park
Sogndal kommune
Det er sendt ut informasjon til bebuarar og grunneigar i området Loftesnes-Barsnes.