Godkjenningsmøtet med Trygg Trafikk og fylkeskommunen fann stad på Campus, der ordførar, kommunedirektør og tilsette i kommunen var samla for å sjå at målet om å bli godkjend som trafikksikker kommune, er nådd.
- Det er mange i kommunen som har gjort ein innsats for dette, seier Torgeir Bang, tenesteleiar for veg og grøntanlegg i Sogndal kommune.
Trafikksikker kommune er ei godkjenningsordning for kommunane. Det er Trygg Trafikk som har ansvar for godkjenninga i nært samarbeid med fylkeskommunane. Å bli godkjend er ingen garanti for fråvær av ulukker, men er et kvalitetsstempel for godt, målbevisst og heilheitleg kommunalt arbeid med trafikktryggleik.
For å bli godkjend som ein trafikksikker kommune, er det fleire kriterium som kommunen må oppfylla.
I trafikktryggingsplan 2023-2026 for Sogndal kommune, som vart godkjend i kommunestyret 15.12.22, står det at Sogndal kommune skal bli ein Trafikksikker kommune innan utgangen av 2025. Meir informasjon om trafikksikker kommune: Trafikksikker kommune - SOGNDAL KOMMUNE
