Sogndal kommune rekrutterer ny kommunedirektør
Sogndal kommune har starta prosessen med å rekruttere ny kommunedirektør. Kommunedirektøren er den øvste administrative leiaren i kommunen og har ansvar for den samla drifta av kommunen sine tenester.
Rekrutteringa skjer i tråd med kommunestyret sine vedtak og etablerte prosessar for tilsetting i toppleiing. Me nyttar bistand frå rekrutteringsselskapet Hjertaker Aaberg, som har lang erfaring med rekruttering til leiarstillingar i offentleg sektor.
Stillinga som kommunedirektør er lyst ut eksternt. Full informasjon om stillinga og søknadsprosessen finn du i stillingsutlysinga.