Leikanger grunneigarlag har i haust utvida takseringa av ryper frå to til fire områder.

Samla resultat syner 14/15 ryper pr kvadratkilometer mot 11 ryper pr kvadratkilometer i 2024, og eit gjennomsnitt på 7,5 ryper/kull. I samband med takseringa er det ellers observert lite/ingen smågnagarar i terrenget, og mange sporteikn etter rev.  

Resultatet betyr at grunneigarlaget ser ei moderat auke i bestanden som gir grunnlag for ei forsiktig/avgrensa jakt, noko som og vert føreslege i tilrådinga frå takseringsansvarleg.

Styret er svært fornøygde med at ein ser auke i bestanden, og at ein er på veg mot målet om å få reetablert ein berekraftig bestand der ein årleg kan hauste av overskotet. Styret har difor lagt seg på ei forsiktig linje, og vedteke at det heller ikkje i år vert opna for småviltjakt i området til grunneigarlaget.     

Denne informasjonen er vidareformidla av kommunen etter førespurnad frå grunneigarlaget. For informasjon om småviltjakt i andre delar av Sogndal kommune, må du ta kontakt med det aktuelle grunneigarlaget.