Parkering i Sogndal kommune

Det er vedteke at all offentleg parkering i Sogndal sentrum skal vera avgiftsbelagt.

Kvifor avgiftsbasert parkering?

I vedtak om avgiftsbasert parkeringsordning frå 2010 heiter det:

«Føremålet med parkeringsordninga er å bidra til utbygging og effektiv utnytting av parkeringsplassane i Sogndal, legge til rette for parkering for brukarane av Sogndal sentrum, ivareta miljøomsyn og utvikle uteområda i Sogndal sentrum.

Dette kan gjerast gjennom å:

• sikre nok tilgjengelege p-plassar for private og offentlege verksemder og utnytte eksisterande p-plassar betre
• arbeide for at nye p-plassar vert lagt under bakkenivå eller i p-hus
• stimulere til auka bruk av sykkel og kollektive transportmiddel
• legge til rette for ei god drift av p-plassane (lys, vedlikehald og snøbrøyting)
• informere godt om parkeringsordninga. Dette for å skape forståing for ordninga.»