Vaksenvaksinasjonsprogrammet er eit tilbod til befolkninga om vaksine mot korona og influensa til alle som er 65 år og eldre, samt barn og vaksne i risikogrupper.

I tillegg får 65-åringar tilbod om vaksine mot pneumokokksjukdom.

Tilrådinga frå FHI (Folkehelseinstituttet) om oppfriskningsdose for korona gjeld dei som er 75 år og eldre, samt barn og vaksne i risikogrupper, men alle mellom 65-74 år kan likevel få vaksine gjennom vaksinasjonsprogrammet hvis dei sjølv ynskjer det. 

Vaksinasjonsstader og tidspunkt

Vaksineringa skjer no på dei tre legekontora. Ta kontakt for å få avtalt tid.            

Pris

Eigenandel:
Influensavaksine: 300 kroner
Koronavaksine: 85 kroner
Pneumokokkvaksine: 85 kroner
(Pneumovax til andre: 400 kroner)

  • Vaksineringa er for risikogrupper, og vaksinen er kjøpt inn rimeleg til dei.
  • Andre friske som ynskjer vaksine, må gå til apotek eller legekontor.
  • Kommunalt tilsette i risikogrupper som bruker tilbodet, betaler som vanleg.
  • Helsepersonell skal så langt som råd få tilbod om influensavaksine på arbeidsplassen i arbeidstida. Leiarane har ansvar for det.

Barn som treng vaksiner, må kontakte helsestasjonen.

Kven bør ta influensavaksine?

Risikogrupper inkluderte i vaksinasjonsprogram:
Følgjande personar har auka risiko for alvorleg sjukdom og død ved influensasjukdom, og blir derfor influensavaksine tilrådd:
• Bebuarar i omsorgsbustader og sjukeheimar
• Alle frå fylte 65 år 
• Gravide etter 12. svangerskapsveke (2. og 3. trimester). Gravide i 1. trimester med annan tilleggsrisiko skal også få tilbod om influensavaksine 
• Prematurt fødde barn, særleg barn fødd før veke 32 i svangerskapet, frå 6 månader (kronologisk alder) til 5 år 
• Barn og vaksne med: 
o kronisk lungesjukdom med nedsett lungefunksjon, og astma
o kronisk hjarte-/karsjukdom, med unntak av velregulert høgt blodtrykk
o diabetes
o kronisk alvorleg leversjukdom
o kronisk alvorleg nyresjukdom
o kronisk alvorleg nevrologisk sjukdom, spesielt personar med nedsett funksjonsnivå, lungekapasitet og/eller hostekraft, til dømes ved multippel sklerose, cerebral parese, Parkinsons sjukdom eller ALS
o nedsett immunforsvar på grunn av sjukdom og/eller immundempande behandling, ved til dømes organtransplantasjon, kreft, autoimmune sjukdommar 
o fedme med kroppsmasseindeks (KMI) på 35 kg/m2 eller høgare 
o annan alvorleg og/eller kronisk sjukdom der influensa utgjer ein alvorleg helserisiko, etter individuell vurdering av lege, som personar med medfødde kromosomavvik (til dømes Downs syndrom) og genetiske syndrom.

Kven bør ta koronavaksine?

Folkehelseinstituttet tilrår at følgjande grupper bør vaksinerast med ein oppfriskingsdose før haust-vintersesongen 25/26:
• Personar i omsorgsbustader og sjukeheimar
• Aldersgruppen 75 år og eldre
• Aldersgruppen 18–74 år som inngår i ei risikogruppe  
• Aldersgruppen 12–17 år med alvorleg grunnsjukdom
• Aldersgruppen 6 månader –11 år med alvorleg grunnsjukdom etter individuell vurdering 
Personer i alderen 65-74 år som ikkje tilhøyrer ei risikogruppe kan få vaksine gjennom vaksenvaksinasjonsprogrammet dersom dei ønskjer det, sjølv om denne gruppa ikkje er inkludert i FHIs tilrådingar. Vidare er barn og unge som blir omfatta av FHIs tilrådingar inkluderte i vaksenvaksinasjonsprogrammet og skal få tilbod om koronavaksine.