Studieåret starta måndag med opningsseremoni framfor Bragebygget på Campus. Mellom dei som ønskte studentane velkomne til Sogndal, var ordførar Stig Ove Ølmheim.
- Me gler oss heile sommaren til studiestart i august. Då vaknar bygda til liv att med fadderveke, og nye studentar i gatene, sa Ølmheim.
Ordføraren fortalde at han har som mål at flest mogleg skal velja Sogndal som studiestad, og gjerne busetja seg her etterpå.
- Eg håpar alle vil finna seg til rette i bygda vår!
Det er lagt opp til eit innhaldsrikt program for å gjera studentane kjende med høgskulen og Sogndal. Mellom anna blir det onsdag ettermiddag grilling i sentrumsparken, der fleire vil stå på stand framfor kommunehuset for å gje informasjon til studentane.