Sogndal kommune sin kulturpris vert delt ut til personar, lag, organisasjonar eller institusjonar. Prisen skal stimulere til vidare aktivitet, og skal vise fram og applaudere innsats som kjem både kulturlivet og heile samfunnet i Sogndal kommune til gode.
I desember skal kulturprisen for 2025 delast ut og no har du moglegheita til å foreslå kven du meiner bør bli årets vinnar! Det einaste du treng å gjere er å sende inn ditt forslag i lag med ei kort grunngjeving til postmottak@sogndal.kommune.no innan 12. november. Skriv "Kulturprisen 2025" i emnefeltet.
Vinnaren mottek eit verk av kunstnar Estelle Bourdet og 20.000 kroner.
I fjor var det eldsjel og kinogeneral Marianne Hoff i Balestrand som fekk tildelt kulturprisen. Marianne mottok prisen for sitt livslange engasjement for kinofilm spesielt, og for kultur generelt.
Tidlegare vinnarar er Roar Werner Vangsnes (2023) Terje Vatlestad (2022), Vreid (2021) og Geir Hjetland (2020).
Vinnaren av prisen vert valt ut av utval for levekår, og delt ut av kommunestyret.