Ordførar Stig Ove Ølmheim stilte opp med gratulasjonar og plakett med bevis på miljøfyrtårnsertifisering til Nav-kontoret tidleg måndag morgon. Han er nøgd med at det stadig er fleire tenester i kommunen som kan smykke seg med tittelen Miljøfyrtårn.
Verneombod, tillitsvalde og tilsette har vore involvert i sertifiseringa og har jobba med utforming av grøne tiltak som me prøver å ha med oss i det daglege, fortel Johnsborg. Me har mellom anna blitt meir bevisste på samkøyring til og frå ulike oppdrag, avfallssortering og ombruk.