Området vert sikra med byggegjerde, og parkeringsplassane vil vere stengde under heile byggeperioden. Når den nye skulen står ferdig, vert desse parkeringsplassane avvikla permanent.
Tilgjengelege parkeringsplassar:
- 5 plassar + 1 HC-plass i midtrabatten vil framleis vere opne. Desse er tiltenkt besøkande til legevakta.
- Maks parkeringstid: 2 timar mot avgift.
- Parkeringsautomaten som var plassert ved murbygget vil verta flytta nærare inngangen til legesenteret for enklare tilgang.
Alternative parkeringsløysingar:
- Parkeringskjellaren under Sogndal helse- og omsorgssenter (SHOS): Innkøyring frå Dalavegen (Er skilta med P-hus) Her er det framleis god kapasitet, og det er enkel tilkomst til alle etasjar via både trapp og heis. Det er og 4 reserverte HC plassar og 4 ladeplassar i P-huset.
- Dalevegen 2: Ute parkering og i parkeringshuset.
- Langtidsparkering:
- Øyane (Granden)
- P-taket ved Sjøkanten (Stedjevegen 38)
Vi beklagar dei ulempene dette kan medføre for innbyggjarar og besøkande, og ber om forståing for at endringane er nødvendige for å realisere den nye, flotte sentrumsbarneskulen i Sogndal. Dette prosjektet vil gje eit moderne og framtidsretta læringsmiljø for komande generasjonar.