Planen har som føremål å legge til rette til to einebustadar, og eigedom for landsbruksverksomhet. Frist for å gje utsegn til varsel om oppstart er 27.05.2026.

Arbeidet vert utført av Landmarks AS v/ Emma Meldal Landmark, på vegne av grunneigar 319/2. Planen har fått nasjonal Plan-ID 4640_2026002

Planinitiativet og oppstartsmøtereferatet

Planinitiativet er ein enkel og førebels utgreiing om kva framleggstillar ønskjer å leggje til rette for i detaljreguleringsplanen. I referatet frå oppstartsmøte ser du korleis planinitiativet er vurdert av planavdelinga i kommunen. Det står òg kva kommunen vil vurdere når planutkastet til reguleringsplanen vert sendt inn til politisk handsaming.


Planarbeidet

Planen har til føremål å leggje til rette for nye einebustader på ein gamal landbrukseigedom ved sjøen, gjennom oppdeling av eigedomen i tre tomter. Planområdet er på om lag 12 daa, og følgjer heile eigedomsgrensa til Dragsvik 1, gbnr. 319/2, saman med eit område ut i sjøen i samband med forslag til tiltak her.

Planen legg opp til to eigedomar med arealføremål bustad, og ein eigedom med arealføremål LNF-spreidd bustad. Målet med planen er å sikre to nye attraktive einebustader og framtidig landbruksvirksomhet.

Sentrale tema som skal utgreiast i planarbeidet er blant anna tiltak i strandsona jf. pbl. § 1-8, tilhøve til kulturminne, jordbruk og natur-/biologisk mangfald. Syner til oppstartsmøtereferatet for fleire detaljer om kva som skal undersøkast i planarbeidet.

Tilhøve til gjeldande planar

Planområdet er avsett til bustadføremål i gjeldande arealdel til gamle Balestrand sin kommuneplan. Overordna mål i planen er å tilretteleggje for buområde av høg kvalitet i alle deler av kommunen, jf. KPA Balestrand § 2.1.

Me vurderer at planinitiativet er hovudsakleg i tråd med overordna plan, då den legg opp til vidareføring av bustad og LNF-spreidd bustad. I framlegg til kommuneplanen sin nye arealdel for Sogndal kommune er planområdet i hovudsak avsett til LNF-spreidd bustad. Syner til oppstartsmøtereferat for fleire detaljer om planstatus.

Konsekvensutgreiing

Det er vurdert at planinitiativet ikkje fell under pbl. § 4-1 eller verkeområde for forskrift om konsekvensutgreiing.

Vidare saksgang

Etter at merknadar er mottatt frå innbyggarar, myndigheiter, organisasjonar med meir skal plankonsulent vurdera merknadane. Deretter vil det bli utarbeida eit konkret forslag til korleis planområdet kan nyttast og byggast ut. Planforslaget vil bli politisk handsama i utval for plan og samfunn, og deretter lagt ut på høyring. Alle som er del av planområdet eller nabo til planområdet vil få brev når planforslaget er på høyring. Det er viktig at alle som har merknadar til planarbeidet sender desse så tidleg som mogleg. Om du har tankar om kva som skal takast omsyn til bør du sende det som merknad allereie no.

Innspel til planarbeidet

Spørsmål og innspel til planarbeidet kan rettast til: 

Fagkyndig plankonsulent: Landmarks AS v/ Emma Meldal Landmark
Tlf.: 97 77 98 01
E-post: emmameldal@gmail.com

Spørsmål om planprosess kan rettast til:

Sakshandsamar og arealplanleggjar i Sogndal kommune: Evelyn R. Furnes
Tlf.: 90 23 87 46
E-post: evelyn.ruth.furnes@sogndal.kommune.no

Gje innspel på skjema: Høyringsuttale (KF-239-FK)

Du kan også senda uttalen på e-post til postmottak@sogndal.kommune.no 

Frist for å gje innspel til varsel om oppstart er 27.05.2026.