Norconsult AS varslar på vegne av Guro Ness Kvartalet AS oppstart på planarbeid for detaljreguleringsplan for Guro Ness-kvartalet, g/bnr. 21/139 m.fl. i Sogndal sentrum i Sogndal kommune.
Planområdet og planavgrensing for varsling
Formålet med planarbeidet er å transformere kvartalet tilhøyrande Guro Ness-bygget til eit større sentrumsbygg med forretning, kontor og bustadar. Det skal også leggjast til rette for eit parkeringsanlegg på inntil 2 plan. Planen skal konkretisere føringane frå områdeplanen. Planavgrensinga ved oppstart av planarbeidet er om lag 11 daa.
Meir informasjon
Planstatus
I gjeldande kommuneplan for området, arealdel til Sogndal kommune 2013-2023 er planområdet avsett til sentrumsformål.
Gjeldande reguleringsplan for tiltaksområdet er «Områdereguleringsplan Fjøra vest», vedteke 12.11.2015. Området er avsett til bustad/forretning/kontor og tilhøyrande infrastruktur.
Konsekvensutgreiing
Planarbeidet er vurdert til å ikkje verte fanga opp av verkeområdet til forskrifta om konsekvensutgreiingar, grunngjeving går fram av framleggsstillar sitt planinitiativ, og kommunen har slutta seg til vurderinga jf. referat frå oppstartsmøte.
Innspel til planarbeidet
For nærare informasjon om planarbeidet kan spørsmål rettast til:
Cornelis Erstad
mob. 410 43 715
e-post: cornelis.erstad@norconsult.com
Dersom du har opplysningar, synspunkt, merknader, planar eller informasjon om tinglyste rettar som kan vere av interesse for planarbeidet, ber vi om at du tilskriv:
Norconsult AS v/Cornelis Erstad
Campus Fosshaugane
Trolladalen 30
6856 Sogndal
cornelis.erstad@norconsult.com
Frist for innspel og uttaler er sett til 08.03.2024.
Alle mottekne dokument og innspel vil bli oppsummert, kommentert og sendt til Sogndal kommune saman med planframlegget.
Vidare planprosess
Når plankonsulent har utarbeidd eit komplett planframlegg vert det levert til 1. gongs handsaming hjå kommunen. Kommunen sitt faste utval for plansaker kan vedta å legge planframlegget ut til offentleg ettersyn og høyring i 6 veker. I høyringsperioden kan rørde partar koma med merknader og innspel.
Når høyringsperioden er slutt vert planframlegget eventuelt justert, og til slutt levert til 2. gongs handsaming hjå kommunen. Då vert planframlegget først handsama av kommunen sitt faste utval for plansaker og til slutt Kommunestyret som skal gjere det endelege vedtaket.
Plandokument
Planavgrensing
Varsel om oppstart
KU-vurdering
Planinitiativ
