Administrasjonsutvalet

Administrasjonsutvalet er kommunen sitt partssamansette utval, oppretta i samsvar med kommunelova og hovudavtalen.

Arbeidsgjevarrepresentantane i administrasjonsutvalet er ordførar, varaordførar og eit medlem frå formannskapet (leiar av opposisjonen eller ein representant frå anna parti enn ordføraren sitt parti), vald av kommunestyret med varamedlemmar. Ordførar leiar utvalet.

I tillegg har dei tilsette to representantar. 

Administrasjonsutvalet avgjerdsmynde i alle saker innanfor sitt saklege område etter dei retningslinene som er fastsette i lov og avtale, og i medhald av lov og avtale som ikkje skal avgjerast av kommunestyret eller formannskapet, eller som er delegerte til kommunedirektøren å vedta: 

• framlegg til sentrale tariffavtalar (utvalet sine folkevalde medlemmar) 
• planar, reglement og strategiar som gjeld kommunen sin personal- og organisasjonspolitikk, som permisjonsreglement, tilsetjingsreglement, HMS-planar med meir. 
• retningsliner, til dømes etiske retningsliner, varslingsrutinar, Akan-reglement
• retningsliner for den overordna personalpolitikken i kommunen
• tiltak som fremjar heiltidskultur, likestilling og HMS 

Utvalet har hovudansvar for å ta initiativ innanfor sitt arbeidsområde. Det er utvalet si oppgåve å gje innspel til kommunedirektøren i alle saker som gjeld kommunen sin organisasjonspolitikk.